政改表決前，經民聯、民建聯在內的30多名建制派議員大舉離場，最終只剩下自由黨5人、工業界林大輝、會計界陳健波和工聯會陳婉嫻有投票支持政改。雖然離場的建制派議員稱是為等候遲到的劉皇發，但自由黨的方剛及田北俊直言事前完全無收過通知，強調覺得留下來的決定正確。方剛強調自由黨沒有做錯。
自由黨主席鍾國斌指，為政改投票是大是大非的時刻，大家都關注投票結果，「如果建制派嘅解釋係話等發叔，我們當然希望等埋發叔一齊，但亦無可能係為咗一個議員而去行開咗」。
鍾國斌表示：「我覺得我哋應該有責任去投票囉，我坐嗰個位係無聽過任何嘢。係忽然間林健鋒行嚟行去，我都唔知發生咩事。只不過忽然去到四分四十幾秒，成班人行出去，我哋係無理會過發生咩事。仲有十秒時間當然係準備投票啦。」
至於責任是否在林健鋒身上，鍾國斌指，這讓大眾判斷。他又指，結果令人意外，甚至比忽然之間政改通過更意外。他不覺得建制派不視自由黨為建制派，又指不單自由黨，陳婉嫻和陳健波和林大輝也沒有離場。
|
鍾意就快D Share啦！
|
|
|
