靚抽王
其實，你已經睇過《風雲天地》
大台新劇《風雲天地》快將推出！真係令人期待！又可以重溫番一直以嚟大台拍過嘅題材、劇情、甚至係劇集角色喇！以下列出大家已經睇過嘅《風雲天地》元素：
攞你命劇名
執掌編劇兼編導嘅大導演王晶不愧係商業奇才，嗰種創意同聰明，就好似將士多啤梨加落雪糕度，整成士多啤梨雪糕一樣，簡直驚為天人。
《風雲天地》=過往受歡迎嘅大台劇集嘅《天地系列》+《風雲系列》
天地系列：《天地男兒》、《天地豪情》、《天與地》
風雲系列：《笑看風雲》、《酒店風雲》、《賭場風雲》、《歲月風雲》
令人想起集十種殺人武器於一身嘅攞你命三千，真係犀飛利！
汪阿姐又華麗回帶
冇錯，又係佢，剛剛先華麗轉身+「經過那些年」，大家都未回氣，佢又進擊我哋喇！阿姐將會喺新劇飾演女強人。即係點？即係佢會飾演番《創世紀》、《女王辦公室》、《巴不得媽媽》、《華麗轉身》等劇集入面千篇一律嘅商界女強人角色……然後得閒就惡死鬧下身邊啲屋企人、手下，又好例牌咁發現佢其實係外冷內熱用心良苦為頭家嘅……唉，究竟地球仲有冇人可以阻止到阿姐？
公式王
恥笑冇創意嘅膠劇公式。
|
鍾意就快D Share啦！
|
|
|
