與母傾談不久，朱茵開始面有不悅之色。
娛樂喧
餐廳直擊 阿媽哦女婿唔黐家 朱茵出言維護阿 Paul
黃貫中（ Paul）一向我行我素，但為了頭家，他亦積極改變自己。去年 12月，沒工作半年的他要網上賣畫賺錢，之後最終簽了內地新經理人，惟一直未有實際工作。至近日阿 Paul才開始有錄音出碟的工作，經常埋首錄音室，湊女重任則落在朱茵身上。
上周四（ 11日）有讀者報料，朱茵偕母親及兩歲半的女兒黃鶯到黃埔吃午飯，其間朱母疑因女婿終日不在家而有微言，向朱茵哦了幾句，而向來甚孝順的朱茵出言維護愛郎說：「唔好再話佢」
手掌、手背都係肉，今勻真係難為了她。
食飯各顧各
之後朱茵只照顧女兒，與母親全程鮮有再傾偈，但黃鶯好乖，笑笑口自己食麵，十分可愛。
照顧外母
13日（上周六）下午，阿 Paul放下錄音工作，獨自車外母外出，然後再送她返回九龍城寓所（右圖），做好女婿本份。
早前葉世榮有意拉攏阿 Paul及黃家強重組 Beyond，於年尾舉行紀念黃家駒演唱會。但由於阿 Paul與家強多年來不和，二人堅決拒絕重組，搞到世榮夾在中間甚無奈，更令人以為世榮借故友之名搵錢，引起軒然大波。
夫婦同簽新經理人
「爆粗 band友」阿 Paul有性格係人都知，去年尾他與朱茵嫌經理人 Ada接唔到 job，於是飛起對方，不久即成功另覓內地經理人公司「凱藝國際」，為二人接商演和登台騷。不過這半年以來，朱茵做遊戲代言人，成功賺了百五萬人仔，阿 Paul仍未有實際工作，只顧自己繼續玩音樂，日夜顛倒留在 band房寫歌及畫畫。已四年冇出碟的他，近日忙於埋首錄歌。
Paul對演出有要求
一知情人透露：「阿 Paul係簽咗新公司，但佢有自己要求，登台、商演唔係唔想做，只係堅持要唱 live。如果有啲場佢知啲音響差，會影響自己表演質素，寧願唔做。你知大陸啲場差起嚟真係可以好差。佢成日話錢買唔到快樂，如果個騷做得好，呢啲就叫快樂。加上自從佢細佬（黃貫其）幾年前喺大陸啲爛場登台俾醉酒佬扑濕個頭，阿 Paul都唔敢唱呢啲場，始終有家庭，佢話寧願搵少啲都要有尊嚴喎！」
不過太有性格，屋企人又未必接受。上周四（ 11日）下午，有讀者發現朱茵偕母親、囡囡黃鶯及兩傭人到黃埔一茶餐廳午飯。起初朱茵心情好好，與媽咪有講有笑，又同囡囡玩到咔咔聲，母愛氾濫。但不久，朱母突然埋怨起女婿：「幾晚冇見過佢喇，錄乜嘢要錄成晚？咁個女咪見唔到囉？」似乎正談論女婿阿 Paul。其時向來孝順的朱茵，亦維護丈夫：「點解又講佢啫！可唔可以唔好再話佢佢做嘢都好辛苦嘅！」之後朱茵一直板着臉，其餘時間就只照顧囡囡飲食。朱母則不時玩手機，甚少再開聲。
朱茵復出有價有市
走性格路線的阿 Paul，吸金能力從來都遠遜於朱茵。自囡囡「叉燒包」出世後，朱茵亦復出𢱑銀，單計一年內，她已輕輕鬆鬆賺了 200多萬。
孝順車外母出街
知情人續說：「可能 auntie緊張個女同個孫，佢見阿 Paul成日唔黐家，阿茵又要做嘢，又要湊女，驚個女辛苦，又驚阿 Paul喺出面辣着火頭。老人家唔識咩叫夾 band，以為玩玩吓唔認真。但阿茵識阿 Paul第一日已經知音樂係佢生命，阿茵成日話好感恩阿 Paul做咗老竇後，已經顧家咗好多，睇到呢個男人已經為佢兩母女慢慢改變緊。」
事隔兩日（ 13日）下午，記者便發現阿 Paul揸住老婆的座駕接載囡囡及外母外出，朱茵有事未有同行。相信朱母亦親身感受到阿 Paul亦有顧家及孝順的時候。
|
鍾意就快D Share啦！
|
|
|
