全城熱爆的娛樂八封新聞 & 時事趣聞 & 生活 + 趣聞
安仔去踢波，都有成棚女圍住，好艷福呀！
上個月許志安開完 3場演唱會，終於唔使日日對住烚蛋同烚雞咁慘喇！老公解禁， Sammi作為許太梗係要親自下廚，慰勞吓老公啦。佢仲要唔肥唔煮，幾日前就整咗東坡肉同魯肉飯，安仔真係有口福呀！
之不過，安仔最近雖然食唔少好嘢，但身上點解一啲多餘肉都冇嘅？媽咪姐呢日喺九龍灣遇到安仔，終於明喇！事關佢呢頭食完，轉頭就去踢波，仲踢足兩粒鐘，爆晒水箱咁，由頭濕到腳，咁大運動量，想肥都難呀！
踢咗兩個鐘，安仔大汗到好似沖涼咁，變咗水人。
Sammi唔只煮肥膩餐俾老公，佢自己出街都嗌個雪糕，真係唔肥唔食。
睇 Sammi話試咗幾次先成功，咁即係呢味東坡肉，安仔已經食過 N咁多次。
