2015年6月4日 星期四

莎莉豪放試鞋 [壹週刊 - 1317] 莎莉,葉蒨文,M1,



上齊防雨裝備嘅莎莉,喺 Celine行咗轉,冇嘢啱。

同你吟一吟

莎莉豪放試鞋

朋友幾多都得,但交心講真話嘅,其實有一、兩個已經夠,好似大美人林青霞,身邊永遠係狄龍老婆陶敏明;香港最美麗港姐朱玲玲,雖然有唔少慧妍中堅都睇佢台戲,但真正閨密,唯一葉蒨文,○六年公開確認同霍震霆分開,都係莎莉做代言人。

上個禮拜一(五月二十五日),兩姊妹約埋行金鐘太古廣場,呢排黃、紅、黑雨輪住出場,朱玲玲同莎莉即使有司機車出車入,依然做好準備,著晒水靴,莎莉仲孭埋件膠雨褸上身,保證萬無一失。

巡鋪 shopping,朱玲玲大部分時間陪睇俾意見,莎莉喺 Jimmy Choo睇中對高踭鞋,但坐低試上腳又覺得麻麻,一句唔該,遞隻腳叫 sales幫佢剝番落嚟。 Well,顧客至上!只係當日莎莉身上條 one piece裙都幾闊身,隻腳伸得咁直咁高,一定睇晒!女人之家,咁豪邁嘅!失禮人呀!

自己著又好,店員服侍幫手除又好,著住裙嘅莎莉都好大動作,完全唔擔心走光。

入到 Jimmy Choo,莎莉睇中對 bling bling高踭鞋,但試上腳又唔啱心水。

鍾意就快D Share啦!