2015年6月4日 星期四

睇拍戲 黑雨笨豬跳 佘詩曼有包袱窒步 [壹週刊 - 1317] 佘詩曼,M1,



探熱針

睇拍戲 黑雨笨豬跳 佘詩曼有包袱窒步

張智霖、佘詩曼再結前緣的電影版《十月初五的月光》前後拍了七個月,最後一場煞科戲於澳門觀光塔拍「 You jump I jump」笨豬跳,女主角阿佘三心兩意,一時話跳一時又話唔跳擔心傷及舊患,幾經掙扎下,終於要替身頂上。

替身上陣

煞科戲當天(五月廿六日),黑雨影響下澳門觀光塔狂風暴雨,劇情借用《鐵達尼號》經典對白「 You jump I jump」,只是場景由跳船改為笨豬跳,男女主角張智霖和佘詩曼在惡劣天氣下依時埋位。

「一早已經預咗替身俾阿佘,因為佢有畏高,所以都知佢唔跳得。」工作人員說。

替身 stand by,但站在觀光塔上的阿佘仍企圖親自上陣,在場工作人員為她綁上安全措施, Chilam亦準備就緒,一切如箭在弦,阿佘忽然膽怯,幾經掙扎,要替身頂上。

「阿佘話跳又唔跳,都搞咗成粒鐘!其實都唔怪得佢,佢條頸同腰傷嘅舊患,一 chok落去,真係有機會傷到舊患。 Chilam就跳同唔跳都得,既然阿佘最後決定唔跳,咁就無謂嘥時間拆開再拍大頭,用埋替身仲方便。」工作人員說。

Chilam同阿佘在澳門觀光塔扮《鐵達尼號》「 You jump I jump」一幕,兩人最後都冇跳,只就位扮跳,補大頭鏡頭作結尾。

替身

阿佘擔心觸及舊患, Chilam陪佢一齊唔跳,最後由替身頂上。

超時超支

煞科戲搞掂,工作人員推出蛋糕慶祝。導演葉念琛一早預備好兩個蛋糕,一個是慶祝阿佘生日,另一個是慶祝《十月初五的月光》完成拍攝。

電影由去年十二月開始,經歷七個月拍攝期,有指因為 Chilam、阿佘、薛家燕及陳喬恩等演員的檔期難相就,結果原定兩個月拍攝期嚴重超出預算。

完成拍攝後,劇組為阿佘慶祝生日之外,亦順道慶祝《十》片煞科。

阿佘本來諗住親自上陣,工作人員為她及 Chilam準備安全設備。

走到觀光塔外,阿佘與 Chilam細心聽工作人員講解笨豬跳步驟。

《十》片用了七個月終於完工,在拍罷最後一個鏡頭後, Chilam同阿佘擊掌大叫,真情流露。

雖然最後都係由替身上陣,但阿佘與 Chilam都要補拍跳完跌在氣墊的鏡頭。

陳喬恩在戲內與阿佘爭 Chilam,戲外兩人分屬好友,無所不談。

《十月初五的月光》十五年後被拍成電影版,除了原班人馬外,還有不少新人客串,欣宜是其中一個。

洗米華派錢

據有份埋位的家燕姐說,在澳門拍攝期間,有份投資的老闆周焯華(洗米華),也曾經帶過大家去賭場耍樂。

「華哥帶咗我、 Chilam同其他八個人去賭場玩,仲派咗幾百萬泥碼俾我哋,佢每鋪落十萬蚊,我就每鋪一萬蚊,我幫華哥甩牌,最後贏咗廿萬,八個人平分,幾好運呀!」薛家燕說。

鍾意就快D Share啦!