記得戴呀！（設計對白）
探熱針
設計八萬鑽飾套裝 張栢芝品牌「我是罪人」
前夫謝霆鋒去年跟王菲復合後，一度被指情緒失控的張栢芝雖然寄情工作，但開工不久，即辣㷫一向視她如己出的向華強夫婦，向華強更親自出面，指責栢芝拍電影《封神榜》時，工作態度差，日後永不錄用。面對嚴重指控，張栢芝事後並未有多加解釋。
一時一樣，多年來反反覆覆的張栢芝，近年再重返教會，並成為「活躍」教徒，尤其與鄧萃雯、鄭秀文、張文慈等玩得埋，近日更設計了一套 18K白金鑲鑽石，價值約超過八萬的「我是罪人」首飾，送給一班好姊妹。
收禮姊妹
出海滑水
剛度過三十五歲生日的張栢芝，留港慶生，緋聞男友、內地富商孫東海並無陪伴在側。
再度返教會的張栢芝，態度比過去更積極，經常跟隨鄧萃雯、鄭秀文、衞蘭衞詩姊妹返查經班。
週一（六月八日），栢芝與張文慈、衞詩等一班姊妹出海滑水，事後張文慈更將大家的滑水照放微博，只是刻意將栢芝的頭，以卡通十字架遮住。
「佢哋都係基督徒，又經歷咗咁多，大家好易有共鳴，會互相鼓勵。好似栢芝搬去新加坡住，雯女都有幫手搵學校，劉美娟、張文慈會同佢一齊查經傾心事。之前栢芝同『中國星』單嘢，其實佢攞嘅片酬同報導有出入，但栢芝話唔想解釋咁多，所以冇回應。」知情者說。
十字架不離身
婚姻觸礁，張栢芝靠信仰走過人生低潮，更相信未來自有主宰，會給自己一個好丈夫。
重投宗教，張栢芝十架頸鏈不離身外，又在左手紋了耶穌釘十字架的頭上荊棘。
「離婚無耐，栢芝已經返咗教會一段時間，係髮型師 Kelvin帶佢返嘅，仲因為咁，嗰時傳出緋聞。栢芝雖然大部分時間喺新加坡，但一班姊妹同佢都 keep住聯絡，尤其係《封神榜》件事同向生向太搞得唔開心，嗰段時間，大家都有睇實佢。
「有咗信仰，栢芝個人定咗好多，早排佢搞設計，整咗套有耳環鏈墜同戒指嘅鑽石首飾，劉美娟、張文慈、雯女、 Sammi、 Janice（衞蘭）兩姊妹都收到。呢套首飾有 message嘅，係講耶穌為我哋嘅罪被釘上十字架，栢芝信主後，都知自己係罪人。」知情者說。
|
鍾意就快D Share啦！
|
|
|