19歲恨結婚 公大美廚神：結婚唔一定要有樓！ [FACE - 419 - 大專校園] MF,

張嘉琳（ Kaye）　公開大學　幼兒教育系高級文憑 Yr.2

除了煮得一手好餸， Kaye又鍾意小朋友，愛心爆棚，仲考獲鋼琴五級，係百分百嘅女神！

U花 U草

19歲恨結婚　公大美廚神：結婚唔一定要有樓！

香港人月入三萬要愁供車供樓，生活費樣樣計過度過，未畢業的 90後想結婚更加係諗都唔敢諗。不過現讀公大幼兒教育高級文憑 Yr.2的張嘉琳（ Kaye），卻自細希望可以 18歲結婚，做個幸福家庭主婦。

「細個媽咪成日帶我去街市買餸，我又會入廚房邊傾偈邊偷師， 7歲我已經自己煮飯。到大個父母要返工，我就煮定飯等父母返嚟食。現平均一星期都會入廚兩次，煮四餸一湯，好似檸檬雞翼、魚香茄子、洋蔥豬扒呢類家常小菜，總之日日唔同。大時大節更加會由我同家姐煮大餐畀屋企人食。之前母親節我整咗長壽麵、酸甜雞腿，最緊要係父母食得開心！」

19歲的 Kaye生於普通家庭，父母要工作，即使週末都很少機會外出享受天倫樂，「我成日幻想將來每個週末可以同老公同仔女一齊去郊遊、燒烤，玩到攰就返屋企煮飯食，簡簡單單好溫馨！」恨做家庭主婦的 Kaye和拍拖近 6年的男朋友打算畢業後兩年就結婚，「雖然比預期計劃遲咗，不過我住咩都無所謂，結婚唔一定要有樓，最緊要一家人過得開心就得喇！」

Kaye的男朋友是她的中學師兄，二人拍拖近六年打算兩年後結婚。

Kaye是兼職模特兒，更煮得一手好餸。「我好少出街食飯，多數自己煮，唔得閒就事先煮定飯盒，健康又慳到錢！」

身高 173cm的 Kaye雖然夠高，但卻是運動白痴，「我讀書時揀課外活動都揀園藝或者家政學會，運動方面真係冇咩天份！」

鍾意就快D Share啦！

下一篇 》