【短片】【已非首次】卓林鎅手 吳綺莉：估計有成30條傷痕
2015-06-09 18:01:00
吳綺莉(Elaine)今午請來了鄭俊弘上佢個電台節目做嘉賓，不過今日嘅吳綺莉似乎有點不對勁，全程戴黑超，且眼部有點腫，被傳媒追問下，吳綺莉直言發現小龍女吳卓林鎅手。
吳綺莉表示，昨晚見卓林右手流血，雖已用衣物掩蓋，惟吳綺莉發現有血滲出，才知囡囡鎅手。吳綺莉透露女兒受朋輩影響所致，又心痛地謂女兒隻手有2、30條傷痕，部份傷口更頗深。問及女兒為何鎅手？吳綺莉表示並非因為感情或家庭問題所致，小龍女今日亦如常返學。吳綺莉其稱女兒之前都試過鎅手。
方才吳綺莉接受《蘋果》訪問時，難掩疲態地謂:「我真係唔知點解，可能依家啲小朋友興(鎅手)啩。唔係第一次0架喇，依家情況ok啦。」吳綺莉謂女兒毋須送院止血，又歎道:「點講呢……我都唔知點講好呢……因為我唔知佢啲同學點樣，盡量啦，盡量勸佢唔好做呢樣嘢。」吳綺莉於訪問中又表示，女兒已非首次鎅手，故都有跟校方聯絡，希望可以幫助女兒。
攝影:梁繼光(右圖)
|
鍾意就快D Share啦！
|
|
|