網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月9日 星期二

網上瘋傳 喇沙「孟母」係《凌凌漆》杜鵑? 凌凌漆,孟母,喇沙「孟母」,



【人有相似?】網上瘋傳 喇沙「孟母」係《凌凌漆》杜鵑?

2015-06-08 21:30:00



有幾多人佢哋覺得似樣?

日前小一派位,唔少媽媽都因為自己嘅小朋友入到心儀學校而好開心,當中有位陳小姐,因為囝囝入到喇沙小學,開心之情洋溢於表,喺訪問期間仲透露幫囝囝每月花費數千蚊報讀興趣班,好似畫畫、游泳同非洲鼓等等超過10樣課程,仲為咗入到名校網,搬去月租2萬5千蚊嘅寓所,真係現代版「孟母」。(新聞連結: http://goo.gl/HkXI9t )。

呢位媽媽個訪問一出街,網民不停咁share,因為網民覺得佢對囝囝嘅教育方式實在太高壓,當日佢位小朋友又的確係一臉倦容,唔知係咪上得堂太多冇咩精神,今日有網民聲稱呢位媽媽曾經係拍過戲,就係94年上映嘅《國產凌凌漆》入面飾演「杜鵑」咁話,呢段片段喺fb瘋傳,睇返場戲,著上低胸裝嘅「杜鵑」同星爺有對手戲,但亦有有網民指,話陳小姐同杜鵑個樣相差太遠,唔似係同一個人,不過套戲同依家相差咁多年,個樣唔同咗都唔出奇。

另外,亦有網民話陳小姐除咗係杜鵑之外,仲話佢係2011年一件寶馬女司機投訴被小巴撞尾事件入面嘅女司機,當時女司機投訴小巴司機撞到佢架寶馬個尾,之後仲報警處理,最後警方叫番女司機賠錢畀小巴司機(新聞連結: http://goo.gl/dvY3YP )。而網民嗰時仲幫個女司機起咗底,指佢任職國泰,張相打咗格之後,睇起嚟都比杜鵑個樣更似陳小姐。



呢個就係《國產凌凌漆》入面嘅「杜鵑」

鍾意就快D Share啦!