掃呢頁CODE去手機

2015年6月1日 星期一

手腕骨勞損移位 Mr.鼓手死頂養家 Mr.,





其他影片:>>






一次演出手腕劇痛,令樂隊Mr.嘅鼓手阿Tom發現自己手腕骨移位,即將返內地舉行十幾場巡迴嘅佢,迫於無奈都要頂落去。

19歲為咗夾band而放棄喺澳洲讀書嘅阿Tom,初初加入Mr.依然要兼職送魚生,兼租住幾千蚊劏房,就連出騷都重複著衫;為夢想犧牲咁多,點知累積演出超過八百場騷後,雙手長期勞損,不得不叫停。

早前見佢左手帶住護腕去睇醫生,似乎係去拎X-ray報告。據知,阿Tom早喺半年前已經發現隻手有唔妥,但每次都淨係黐鎮痛膠布算數;經醫生診斷,原來係長期用力打鼓導致手腕骨移位,醫生更建議停工半年休養,好可惜,阿Tom冇嘅正正係時間。
鍾意就快D Share啦!