Bob籃板王甩轆滾地贏波
由《東網》直擊的「Panasonic學界籃球邀請賽2015」表演賽邀得多位藝人參戰，有份落場的林盛斌（Bob）開賽前已成亮點之一！36歲的Bob體重逾200磅，但打起籃球時亦有板有眼，即使未能為球隊取分，其落力表現亦贏盡掌聲。最令人意想不到的，是原來Bob在16歲時曾為籃球校隊的主力，並獲封為「港島區籃板王」，在這次比賽中他表現未如理想，期間更不慎跌倒，但在靚女蕊蕊率領的啦啦隊打氣下，仍協助所代表的球隊贏波！
《東網》昨日直擊「Panasonic學界籃球邀請賽2015」表演賽，由警察籃球大使隊的林盛斌、李逸朗（Don）及應昌佑等對戰籃總名人邀請隊的吳浩康、陳偉成及范振鋒等。Bob昨兼任評述，賽前他已備受矚目，Bob一出場觀眾便狂呼，首節賽事由Bob的隊伍領先，Bob風騷表示不需要啦啦隊，但當第二節落後，他即反口叫啦啦隊再打氣，非常搞笑！
趕為大女慶生
比賽途中，Bob表現落力，不過兩次投籃都未能取分，期間更不慎仆倒，幸沒大礙。到比賽尾段，原先籃總名人邀請隊以輕微分數領先，不過Bob的警察籃球大使隊連追幾分反超前，最終以64比63險勝。
Bob雖然「捧蛋」，但就贏盡觀眾的歡呼聲和掌聲，與獲封「神射手」的Don齊齊成人氣王！Bob受訪時自誇20年前曾為中學籃球校隊主力，並有「港島區籃板王」稱號：「依家放棄咗喇，我運動細胞唔差，手球、足球都玩過吓，有啲明星隊搵過我加入，不過我怕我一年都未必去到一次，所以婉拒咗！」Bob又笑言自己的身手與財富成反比，不過揚言明年若再參賽必定「破蛋」雪前恥！原來昨日是Bob大女林霏兒七歲生日，賽後他即返家與女兒慶祝。
獲讚身手敏捷
另外，組合HunterZ成員蕊蕊及何麗娟昨任啦啦隊，兩女着背心短褲落力打氣。蕊蕊得知Bob的威水史後表現驚訝：「唔講真係唔知，不過佢都唔算肥，係肚腩大咗啲啫！」她又讚Bob身手敏捷，絕對相信Bob曾為籃球校隊成員。而Bob的好友、導演葉念琛亦任頒獎嘉賓，原本打算頒獎後離開的他，得知Bob要落場即表示要留低觀戰。
文：音樂組
|
鍾意就快D Share啦！
|
|
|
