上個月尾容祖兒同Wyman去金鐘名店掃完貨，都唔夠一個星期，又見到Joey去番同一間鋪再掃過，仲要咁啱第二日好姊妹阿Sa都去番同一間鋪血拼呀。
今次Joey化晒妝出擊，終於唔再鬼鬼祟祟，唔戴黑超都大大方方咁行出行入。行咗冇幾耐，Joey就拎部電話出嚟係咁講，邊講邊甜絲絲咁，唔知係咪同緊師兄傾計呢？
Joey滿載而歸，第二日就到好姊妹阿Sa喺同一個地方落場，仲帶埋兩位台灣朋友齊齊睇靚衫。一睇都知佢哋應該幾friend，連啲衣著style都差唔多。最後個個都拎住幾大袋戰利品走人，笑晒口咁不知幾開心。
