容祖兒同Wyman好老友大家都知，上個月尾呢兩個潮人一齊去掃貨，最開心嘅應該係間時裝店。
明星次次現身都要唔同衫，可想而知要花大量嘅金錢喺啲衫度，仲要加埋Wyman呢個咁有要求嘅時裝人，睇得上眼嘅都唔會平上個月尾佢兩個，喺金鐘太古廣場嘅Joyce入貨，睇睇吓，話都冇咁快已經有堆「小衫丘」，鋪頭嘅職員開心到即刻叫姐姐拎兩杯香檳出嚟，招呼吓兩位超級貴賓。睇吓衫，吹吓水，又飲吓酒，真識歎！
正當興起之時，眼利嘅Wyman突然見到有記者，揸住杯香檳Joey即刻頭到唔敢擰，就閃咗入啲衫堆中間。唔知佢係驚俾人見到佢飲酒，定係驚俾人見到佢淡到近乎素顏嘅妝？Joey驚青到走咗入試身室，要戴番副超先敢埋單走人呀。
