【父親節關係？】大劉心情勁靚 同傳媒揮手say hi
2015-06-21 18:46:00
(採訪、攝影：朱志聰、徐錦池)
今日下午六點半左右，劉鑾雄（大劉）就同埋紅顏知己甘比加埋一對仔女，去到福臨門食父親節飯，今日天氣一時有雨一時好天，而大劉到嘅時候就有少少雨粉，但現場保安就大為緊張，拎晒遮去到車門前接大劉。
而大劉今日心情大靚，見到傳媒嘅時候，仲有同傳媒揮一揮手。一向都有風度嘅大劉，就企喺車嘅側邊拖住小朋友，而甘比就抱住細仔Joseph Junior。
而喺7點左右，楊受成夫婦都現身福臨門，過咗五分鐘，楊其龍都到咗。而喺7點之後，到張堅庭一家現身福臨門，7點15分，朱潔儀就一個人到場，今晚福臨門真係好熱鬧。
到咗7點半，大劉就離開福臨門，甘比走嗰時拖住個細仔，而大劉就應該係怕地下滑，所以就扶實甘比，好有風度。
大劉到嘅時候就有少少雨粉。
難得地揮一揮手。
|
鍾意就快D Share啦！
|
|
|