掃呢頁CODE去手機

2015年7月20日 星期一

50歲再做多次 羅霖:一把年紀都有奇蹟 羅霖,





其他影片:>>






羅霖今日就著咗一條低胸透視連身裙去到書展,就連羅霖嘅媽媽都有嚟到,送咗花畀羅霖,仲鍚咗媽媽一啖。而今日羅霖就同男神王宗堯同場簽名,不過羅霖嘅fans就瘋狂好多,有差唔多半百fans,又舉晒牌又大嗌:「Candy好靚!Candy超靚!」

問到寫真依家嘅銷量點,羅霖就話印唔切,佢話:「因為除咗廣州之外呢,全世界都識我,好感恩,我覺得係一個奇蹟,依家會世界都知我五十歲,冇得避。原本屋企買咗好多薯片同朱古力,諗住完咗書展可以放縱自己。多得香港傳媒嘅報道,搞到我好似再參加一次選美咁,因為見有報道拎我同泰國、墨西哥比較,我覺得女人最緊要獨立、自強不息、有愛、心地善良就係最靚。」

問到加印會唔會加新相,羅霖就話:「唔會喇,因為未有時間再影,不過工作方面就傾緊,好感恩本寫真集帶咗好多工作畀我。」問到係唔係多咗電影、廣告等等,佢就話唔只係呢啲,仲自嘲50歲先再做多次。問到會唔會諗去荷里活發展,佢就話:「冇諗過,不過依家本寫真去到全世界,已經好光榮、嚟緊喺內地有三、四站嘅簽名會,啲站就一路加。囝囝就好明白我,冇投訴冇時間陪佢,大仔同二仔就成日喺社交網站share啲關於我,佢哋覺得好驕傲,我就同佢哋講,只要努力,好似我咁一把年紀都有奇蹟。」

問到羅霖係唔係喺書展贏晒,佢就話冇同人比較。之前都有人拎佢同美心妹妹比較,佢就話:「我同佢個層面都唔同,Celine又咁可愛,不過我望佢睇唔到話佢嘅言語,不過小朋友都好快忘記,應該冇嘢嘅。」

(攝影:仇志德) 低胸透視連身裙。 羅霖話寫真依家印唔切。
美魔女媽媽。 現場fans好瘋狂。
鍾意就快D Share啦!