葉翠翠同老公周曉東今晚喺四季酒店擺酒，筵開32席，出席賓客包括陳凱琳﹑莊思敏﹑李璧琦﹑龔嘉欣﹑陳自瑤同翟威廉等，而翠翠緋聞舊愛高鈞賢，今晚亦帶同女朋友Chika赴宴。
高鈞賢表示同女友拍拖一段時間，問到係咪結婚對象？佢話：「可以咁講。」帶女友赴宴晒幸福？高鈞賢表示：「唔係，因為同翠翠係好朋友，大家都認識，今日係佢大日子，佢邀請埋我女友出席，男士都應該大方啲，所以一齊現身。」
高鈞賢又話已雙方已見過家長，但佢現時要努力搵錢，先考慮結婚，可能係三至五年內成事。問到今日見到翠翠會否感尷尬，話晒傳過緋聞？高鈞賢話：「唔會喎，不過反而佢要求我唱情歌嗰個位，會有啲尷尬，今晚會唱《一生愛你一個》，但自己忙搞私務，冇時間練歌，翠翠好鍾意同人分享感情事，見佢今日大日子，都戥佢開心。」
| (攝影：沈健程) |  高鈞賢表示同女友拍拖一段時間。 |  高鈞賢今晚會唱《一生愛你一個》。 |
 龔嘉欣 |  莊思敏 |  陳自瑤 |
 |
|
鍾意就快D Share啦！
|
|
|