【太陽報專訊】陳凱琳（Grace）、田蕊妮、蕭正楠及吳岱融等昨日出席無綫新劇《巨輪II》開鏡拜神。Grace日前往橫店探望在當地開工的男友鄭嘉穎，她說：「去咗3、4日，因為嚟緊我要開工行唔開，佢就拍到9月先返。（佢開工你喺內地點打發時間？）帶咗劇本去睇，佢收工就一齊食飯。」她又讚男友：「佢工作態度好專業，普通話又好，我好佩服。（效法林夏薇閃婚？）一定唔會。（依家每日一電？）佢工作時間長，有時會傳短訊。」
而阿田表示今次角色面臨生離死別，日前看劇本時情緒低落：「喊咗出嚟，嚇親隻貓，佢即刻錫番我。呢兩日拍緊開心嘢，所以唔睇住喇！（抽離唔到？）唔會。」而蕭正楠指稍後與女友黃翠如各有各忙：「好掛住。（計劃結婚？）呢半年唔會，套劇都拍到12月，況且佢好大食，食晒成雪櫃嘢，我要有經濟能力先得。」
劇集收視全面升
另外，無綫上周收視全面報捷，劇集《風雲天地》、《鬼同你OT》及《愛．回家》收視都升2點，不過《風》劇接獲13宗投訴，被指意識不良及內容負面。
|
鍾意就快D Share啦！
|
|
|