理大十全女生 GPA 3.95 至索女碩士：讀書冇拍過拖 [FACE - 423 - 大專校園] MF,

簡幗儀　 27歲　理大時裝設計碩士

全憑每條婚紗裙親自剪裁，獨一無二，加上連裙褶呢啲細緻位都會悉心設計， Lilian三年內慢慢由中環細鋪做到𠵱家荃灣逾 2千呎甲級商廈落地玻璃工作室。

Main Camp

理大十全女生 GPA 3.95　至索女碩士：讀書冇拍過拖

呢期十優港姐麥明詩搶盡風頭，幾乎未選都可以頒定獎。不過一山還有一山高，另一位畢業於理工大學時裝及紡織系碩士嘅簡幗儀（ Lilian），讀書時期 GPA達神級 3.95，碩士畢業後更加創立咗自家婚紗晚裝設計品牌 Kana Lili，唔少女神好似謝安琪、佘詩曼都着過佢嘅作品，真係有樣有才華有智慧仲要連名氣同事業都有。最緊要係，家陣佢單身仲要恨拍拖！飛雲，出擊

去到 Lilian嘅工作室，反應除咗係驚訝還是驚訝，一副天使嘅面孔，加上甜到漏嘅笑容，仲係行內出晒名嘅星級老闆，到底佢會唔會太離地，邊有咁完美先？

其實 Lilian喺 A-Level成績唔算太標青， 5科都係 C，但佢好慶幸入到時裝設計：「由細到大我都想成為時裝設計師，擁有自己嘅品牌，難得讀到自己想讀嘅，梗係搏埋條命都都讀好佢！」

Lilian話做嘢時接觸唔少世紀婚禮，但將來自己嘅婚禮一切從簡就可以，不過由老本行設計婚紗、請帖等都要由自己親手包辦。

女神話第時結婚對象一定要高過自己（利申：佢 170cm高），年紀要大過佢。理想對象係方大同，欣賞佢有才華，好專注自己事業。

淘寶買衫

但 Lilian竟然話讀書時期自己係摺友自閉冇拍拖：「我係夠鐘放學即走嗰種人嚟，天地堂放 break都會去溫書做功課，試過因為趕 project匿埋喺學校設計室由朝早 8點做到凌晨 2點，我只與同學有功課上嘅交流，啲同學咪覺得我好 cool囉，加上我又唔化妝，連衫褲都係淘寶，所以讀書時期冇男仔埋身，好正常啫哈哈！」

努力讀書有回報，讀完設計 degree後再升讀碩士課程，繼續自閉生活，結果以神級近乎完美嘅 GPA 3.95分畢業（ 4.0滿分），勁到離譜。

不過女大 18變，𠵱家女神條件咁好， 27歲女相信一定大把人追，又估佢唔到呢個 moment竟然係單身：「啱啱出嚟做嘢嘅時候拍過兩年拖，但因為同男朋友拍拖嗰陣都覺得仲係事業搏殺期，而且聚少離多，可能兩個禮拜先見一次，最後都分手收場，所以𠵱家仲係單身。」

係咪因為條件太好嚇怕晒啲追求者？佢好寃枉咁話：「啲人可能覺得我條件好，十足女強人，但其實我都係普通女仔，對住自己男朋友會好嗲，都會嗌佢做 BB，而且我要男朋友好黐身，同埋如果搵到啱嘅對象，我會選擇早婚。」靚女兼純情，做兵都大把人肯呀！

原來 Lilian畢業時屋企人曾經叫過佢參選港姐，不過佢話無論入選落選都會有好多新聞，唔想影響私生活，所以最尾都冇參加。

簽約 Pure Model做兼職模特兒係 Lilian人生其中一個轉捩點，除咗因為接觸好多人令佢無咁宅，亦令佢變得貪靚，識得為自己打扮。

Lilian行內人氣高企，連大台節目《姊妹淘》都經常搵佢做嘉賓，請教佢扮靚心得。

好多大台一線女星歌手都着過 Lilian設計嘅婚紗出席活動，好似佘詩曼，謝安琪、劉心悠等都係客仔。

毛記𡁻海珠　都係十全女

除咗港姐麥明詩同婚紗設計師 Lilian，近排網上又有一位十全女神同樣有美貌有智慧，而且佢事業仲勁多瓣數。畢業於澳洲南昆士蘭大學嘅譚淇淇（ Kiki），係 YouTuber嘅始祖，憑扮麻甩龍心而成功上位，更憑自己作品《 Facebook Lover》一曲獲 MC Jin賞識收為徒弟。

而且佢近排喺「毛記電視」扮演新聞主播「𡁻海珠」深入民心，仲係韓式炸雞店嘅老闊娘，嚟緊年底仲會推出個人大碟添，真係寫 profile都有排寫，其實今年 Kiki去參選港姐都可能係奪冠大熱喎！

Kiki透露自己會考中文拎 A，所以作曲填詞拍片擺 YouTube對佢嚟講係 easy job。

咪以為 Kiki係老闊娘就繑埋雙手唔做嘢，其實佢都會落手落腳，幫手執碗落單上菜，難怪炸雞店生意好到開第 2間分店。

做得「華人第一 rapper」歐陽靖徒弟，實力肯定有番咁上下，佢仲同 MC Jin合唱過 rap歌〈率性〉添！

鍾意就快D Share啦！

下一篇 》