【太陽報專訊】無綫新一代女神黃翠如自出道以來俘虜無數宅男，怎料前晚為無綫節目《今晚睇李》錄影時，她自按「女神幻滅掣」驚爆唔鍾意洗頭的秘密，更試過出埠期間7日不洗頭，還沾沾自喜指「頭油出出吓就唔出」及「我都幾臭」，「翠如BB」變成「Dirty BB」，被蒙在鼓裏的男友蕭正楠得悉後力撐：「我就係鍾意佢咁特別！」
現年33歲的無綫花旦黃翠如出道以來，憑着率真自然的個性俘虜無數宅男，成為女神翠如BB。不過，她前晚為無綫節目《今晚睇李》錄影時竟自爆小時候因被媽咪潛移默化「不洗頭是好事」，結果養成不洗頭的習慣，並指早於中學時期已試過五日不洗頭，出埠期間更試過七日不洗頭，污糟成咁，聽起來令人嘩然！
座駕立立亂乜都有
揚言「頭油出出吓就唔出」的翠如BB，對此「惡習」不以為然：「應該冇咩問題嘅，因為我全家都唔多洗頭，都健康生存到依家！」問到有否被男友蕭正楠（Edwin）投訴？她笑指拍拖便會洗頭：「逢拍拖我就洗頭，冇拍拖我就唔洗頭！因為怕陣味攻到人，呢個習慣Keep住都有，依家好多時都唔鍾意洗頭，所以我都幾臭！」自稱現已每天洗頭的她表示，Edwin對於這個「不能說的秘密」毫不知情，但對男友非常有信心，不怕他會嫌棄，又透露曾因想留長頭髮而一日洗三次：「識咗之後會洗頭，之前我試過短頭髮，因為想留長頭髮，所以Keep住成日洗，最多試過一日洗三次。」
正所調「一凹一凸」，翠如BB指Edwin比她乾淨得多，還自爆座駕與手袋因過於凌亂而遭男友嘮叨：「佢成日問我幾時先想執車。（佢有幫手？）有試過，但就好快放棄！」問到會否怕邋遢形象嚇人而嫁不出？翠如笑言Edwin已「屈服」：「唔關事啩！呢個係我性格，融入咗我度，冇計喇！（男友係咪已經接受？）我覺得係，因為佢依家見到我車籠，頂多畀一個表情再長嘆一聲。」
「就係鍾意佢咁特別」
對於女友翠如BB自爆不洗頭習慣，懵然不知的Edwin昨日透過電話笑說：「如果真係就要捉佢去睇吓有冇頭蝨！我要重新評估佢，七日唔洗頭，頭髮咪似餅咁？」又坦承女友座駕立立亂：「唔識佢嘅人以為佢喺車度住，架車上面有好多贊助商嘅嘢，水樽、朱古力都有，所以定時要清理，咪人都坐唔落。」問到會否怕女友的「女神」形象幻滅？Edwin未有介意之餘還冧爆地說：「呢個就係佢個性，我就係鍾意佢咁特別。」
|
鍾意就快D Share啦！
|
|
|
