重出江湖 巨揪狂舞派 [FACE - 423 - 外地娛樂] MF,

35歲卓寧泰坦入行前做過舞男，而且拍過《舞出真我》，所以《巨揪舞壯士》簡直開正佢嗰瓣。戲中卓寧唔只大騷辣身舞技，還大晒一身爆肌，肯定引到女觀眾流晒口水。

西區

重出江湖　巨揪狂舞派

今年暑期猛片最有味，繼《賤熊 2》玩人權加低俗後，下月推出的《光豬舞壯士》（ Magic Mike）續集《巨揪舞壯士》（ Magic Mike XXL）更落重注大洒鹽花，成班舞男剝光豬。

自爆入行前曾做脫衣舞男的卓寧泰坦（ Channing Tatum）在《巨揪舞壯士》中唔只自跳自演，還做埋監製。今次《巨》片講到退出舞男界的卓寧竟心郁郁，再次 call班巴打重出江湖狂舞，而呢班巴打有白皮膚亦有黑皮膚，照顧不同口味的絲打胃口。

《巨揪舞壯士》

上映日期： 7月 23日

今次《巨》片講述卓寧飾演的 Mike收山 3年後，搵班老拍檔聚一聚，點知班拍檔提議搞個正式告別舞台騷，於是 Mike心郁郁，重操故技再度剝衫做舞男。

上集《光豬舞壯士》中，馬修麥康納希着住迷你內褲任女抽水，但自從升呢做影帝後開始錫身，所以推咗《巨揪舞壯士》唔拍。

卓寧泰坦近年已升呢加入《變種特攻》行列，點解仲拍剝衫戲《巨揪舞壯士》？

講真，演過《巨揪舞壯士》上集《光豬舞壯士》的男星，個個紅得起，除卓寧泰坦外，戲中另一位飾演舞男的馬修麥康納希，之後更憑《續命梟雄》攞咗奧斯卡影帝。不過升咗呢嘅馬修因為要保持形象所以推咗唔拍續集。至於卓寧點解繼續拍？最大原因當然係錢，原來上集《光豬舞壯士》只用 700萬美金低成本製作，最後竟賺到全球 1億 6千萬美元票房，卓寧眼見咁好搵，唔只繼續剝衫拍續集《巨揪舞壯士》，還做埋監製，食得唔好嘥。

為谷新片宣傳，早前卓寧（中）專程參加在洛杉磯舉行的同志大遊行吸納同志觀眾，不過卓寧就着住 T恤冚到實，忽然錫身。網上圖片

卓寧拍扭腰舞場面時，曾因用力過度受傷？

話明係舞男，戲中卓寧同班舞男，唔只要剝衫騷巨肌引女，還要大跳辣身扭籮舞。卓寧雖自稱入行前做過舞男，一早已有跳舞底，但今次拍《巨揪舞壯士》，因每組舞都要在鏡頭前重複跳好多次，而卓寧在跳一組勁扭腰的舞蹈時，因用力過度而扭傷腰骨，要休息兩日才可開工。不過卓寧表示最辛苦不是跳舞，而是因為要着超細碼內褲示人，所以事前要脫毛，他自爆：「當脫毛蠟在身上將體毛連根拔起的一殺，真係痛不欲生。」

聽講 Amber Heard同卓寧泰坦同樣熱愛跳舞，所以 2人拍攝《巨揪舞壯士》時特別投契，仲傳出有曖昧。網上圖片

有傳卓寧拍戲時，曾背妻偷嗒 Johnny Depp老婆 Amber Heard？

今次《巨揪舞壯士》亦有加入索女好似 Johnny Depp老婆 Amber Heard演出。早前八卦雜誌《 OK! Magazine》爆出，卓寧與當時還未嫁 Johnny Depp的 Amber Heard在拍攝期間過電，還於片場內表現親密，最後卓寧太太 Jenna Dewan因收到風，所以經常湊住 1歲大囡囡 Everleigh去片場。表面話探班，其實係𥄫實老公，以免被「小三」乘虛而入。

鍾意就快D Share啦！

下一篇 》