愛琴海甜蜜遊 JM鬼祟返港 [FACE - 423] JM,文詠珊,MF,

上週一（ 22日）， JM由希臘愛琴海返港，雖然同男友 Carl一班機，不過都選擇包到實自己行先。

全知言

愛琴海甜蜜遊　 JM鬼祟返港

文詠珊（ JM）早前被爆與 iBank勁人吳啟楠（ Carl）撻着，仲搬去元朗大屋同 Carl有咁近住咁近，月前更有市民喺台灣撞過二人拍拖去旅行添。

月中 JM去咗愛琴海，全知言聽講佢今次都係同 Carl去，不過事業心重嘅 JM至今都未肯公開戀情，好似上週一由愛琴海返港咁，明明係同男友同機，但 JM都以防萬一，選擇戴晒口罩兼黑超單拖搶先出閘。潮流興公開， Baby結婚都認啦， JM做乜咁神秘先！

JM微博都有張佢去愛琴海嘅相，不過就係單人照囉！網上圖片

Carl現於黑石私募股權擔任執行董事，真係金融才俊，唔係亂吹㗎！

鍾意就快D Share啦！

下一篇 》