鄺文珣老公（箭嘴）要分幾次行去攞嘢食攞嘢飲，兩個仔一左一右，黐住玩緊電話嘅媽咪。
同你吟一吟
鄺文珣揀啱咗
七、八月放暑假，啱小朋友睇嘅戲就特別多，早排《壹》仔行圓方咇，都見到鄺文珣同老公應德榮帶埋兩個仔去睇戲。
仲有排先入得場，入去 Starbucks坐住等，但小朋友一定坐唔定，起身郁來郁去，不過好識規矩，點都唔會走太遠。
兩大兩小足足等咗成個鐘有多，其間大部分時間鄺文珣都係顧住玩手機，佢老公就陪兩個仔傾偈，又同細仔玩咬背脊，做湊仔公。
鄺文珣曾經自爆因為老公嘅問題，一度想過離婚，結果大家用咗四年時間去挽救段婚姻，而家老公變咗好多。可以想像，過程一定唔容易，但睇嚟鄺文珣選擇唔放棄係正確，揀啱咗！
|
鍾意就快D Share啦！
|
|
|