掃呢頁CODE去手機

2015年8月21日 星期五

林敏怡靠第六感 影到五個「白色物體」 政治時事,





其他影片:>>






依家醉心弘揚佛法嘅音樂人林敏怡,原來同見過UFO四次嘅夏韶聲一樣,對呢方面好有研究,今日佢比咗一張攝於噚日黃昏嘅相畀《蘋果》,相入面分別有1大、1中同3小,合共5個白色物體夾雜喺雲層中,而喺相片右下角嘅白色物體特別大,仔細看會見到圓形物體有條黑邊圍住,中間就有幾個黑點。

林敏怡接受《蘋果》訪問時話:「古靈精怪嘢我見得好多,但係影得咁清楚係第一次,我影嗰時都冇留意,影完先至見到,我都即刻嚇到彈起。」問佢呢個情況維持咗幾耐?敏怡就話佢冇留意:「當時好熱好熱,我影完即刻走番入屋,其實我日日都會影天,但前日就好似有第六感咁,所以嗰時走出去影。」

其實一直以來都有兩批人,一批人深信有UFO存在,一批人就覺得係冇可能發生嘅事,而夏韶聲同林敏怡就一定係深信嗰批,夏韶聲仲話佢喺羅省見到嗰次都影低咗,接受傳媒訪問時就話:「以前話見過UFO,你會當佢黐線,但今日如果仲堅持無嘅話,就係你戇居!」

林敏怡稱,相中分別有1大、1中同3小,合共5個白色物體夾雜喺雲層中。(林敏怡提供圖片) 林敏怡與陳松伶 Danny Summer又有新發現,到底乜東東? (夏韶聲fb圖片)
鍾意就快D Share啦!