今日出版嘅日本師奶雜誌《女性Seven》，爆料指13年前鬧出露點淫照風波嘅36歲日本女星奧菜惠，原來打算第三度嫁人，準新郎就係日劇《花樣少年少女》嘅26歲男星木村了。
奧菜惠初出道時以清純見稱，但上位時忽然爆出佢同圈中滾友押尾學嘅多張艷照，搞到女方事業插水。奧菜惠04年嫁IT社長藤田晋，唔夠年半就離婚收場，06年搭上當年仲係奀星嘅齋藤工，有指兩人僅屬炮友關係；到6年前，奧菜惠同圈外人奉子成婚，先後生咗兩個囡囡，上年再爆背夫結新歡木村了，雖然話會第二度離婚，但搞來搞走都未斷纜，目前奧菜惠仲帶埋兩個女同木村了一齊生活。
奧菜惠日前就被發現同帶5歲大女及4歲細女出街，同行當然唔少得木村了，佢哋四人行不知幾溫馨，現場消息又話奧菜惠兩個囡囡已開始叫木村了做爸爸㖭！
|
鍾意就快D Share啦！
|
|
|
