| 鄧詠雪被疑似騙徒呃走近四萬元，更被誘上房！ | next 1/1 pre |
 | |
| 鄧詠雪是舞蹈員出身。 | next 1/1 pre |
 | |
| 之後轉型做歌手，加入跳唱組合HunterZ。 | next 1/1 pre |
 | |
| 有一名自稱是太陽娛樂高層的Garry訛稱簽鄧詠雪過檔太陽娛樂。 | next 1/1 pre |
 | |
| 好友莊端兒勸鄧詠雪報警。 | next 1/1 pre |
 | |
| 鄧詠雪在莊端兒陪同下到警署求助。 | next 1/1 pre |
 | |
| 鄧詠雪曾以舞蹈員身份跟隨「左麟右李」巡唱走埠演出。 | next 1/1 pre |
 | |
| 譚詠麟間接助鄧詠雪揭穿謊言。 | next 1/1 pre |
 | |
| 太陽娛樂文化發出聲名。 | next 1/1 pre |
現年25歲的鄧詠雪（Suetzi）舞蹈員出身，之後轉型做歌手加入蕊蕊為首的跳唱組合HunterZ，但因發展未見突破，一心想飛上枝頭變鳯凰的她，慘成疑似騙徒的「獵物」，先設局騙財後，後再施計打算騙埋色，實行財色兼收。
Suetzi於上月20日在網上有一名自稱是太陽娛樂高層的Garry接觸她，對方訛稱簽她過檔太陽娛樂，Suetzi看其FB有此職銜天真地信以為真，相隔兩日後相約見面，對方藉詞要幫她處理與舊公司解約費及律師費用等各種藉口，短短兩周Suetzi與Garry多次見面，並前後「送上」近四萬元給對方。期間男方藉詞簽約，兩度邀Suetzi到酒店房，及一次上男方家中過夜，Suetzi當時統統拒絕對方才不致失身。
Suetzi是因為男方曾在她面前展示與譚詠麟（阿倫）的合照，並在她面前訛稱與阿倫通電話，說阿倫答應「力撐」她。由於Suetzi曾以舞蹈員身份跟隨「左麟右李」巡唱走埠演出，因而認識阿倫助手，她致電阿倫助手查問，始知阿倫根本不認識所謂「Garry」，才恍然大悟自己誤墮疑似騙局。
Suetzi親述事發經過
東窗事發後，Suetzi由好友張致恒女友莊端兒及男友人陪同下往尖沙咀警署報警求助，警方以詐騙案件作處理。Suetzi在警署門外痛斥自己太蠢：「真係太傻太天真，畀人呃咗錢，仲斷送咗自己事業啦。」Suetzi講述被疑似詐騙經過：「喺網上見到佢話想搵人拍廣告，我就答應咗，就開始WhatsApp溝通，亦約咗出嚟見面，當時佢話自己係太陽娛樂嘅職員，問我有冇興趣過檔，佢offer啲條件好好嘅，又話捧我，會幫我出歌呀。」
之後對方用不同理由推遲簽約，Suetzi說：「話Paco（太陽娛樂揸Fit人黃柏高）唔得閒，又話Paco信嘅師傅話我時辰八字今日唔簽得，聽日先簽得，自己都開始覺得可疑。」對方又要她換電話卡，禁止她與外界聯絡，聲稱怕她簽約一事令舊公司煩她：「我諗諗吓冇理由會咁樣，我咪翻查佢資料，發現太陽娛樂出咗個聲明，話Garry根本唔係佢哋職員。」
被騙近四萬元
Suetzi稱當日對方以處理舊約為由，說她要負責部分律師費：「都多㗎，畀咗三萬左右，佢仲搬埋譚詠麟出嚟，話同譚校長好熟，遲啲美加站巡唱預埋我，但要我畀機票錢及其他費用近萬。（點解唔同校長求證吓？）因為佢喺我面前打畀校長，佢做戲做得好足，咁咪信咗囉，今日我搵譚校長助手求證，但我知得太遲，我太蠢」問對方可有向她摸手摸腳？Suetzi無奈說：「有摸到手囉！同埋想呃我上酒店囉！第一次係話聽日會搞記者會，怕我遲到，所以安排咗間房喺酒店叫我瞓一晚，第二次又話Paco喺澳門開生日Party，叫我帶埋衫留宿一晚，又有次叫我上佢屋企錄音，三次我都拒絕咗冇去。」
問到警方如何處理？Suetzi指警方將此案列為涉詐騙案：「錢嘅損失事少，我唔希望佢害其他女仔。」可聯絡得到Garry？Suetzi坦言：「佢頭先係咁打畀我，因為我用番自己個電話卡，我冇再聽，佢亦冇留言。」她承認這次是很大教訓，失去近四萬血汗錢，還喪失一部電影女主角機會，可謂「雙失」。
莊端兒勸報警
至於其好友莊端兒勸Suetzi報警，莊端兒謂：「因為佢有排失蹤咗，我好擔心佢，但Suetzi突然聯絡番我，話畀人呃咗，我叫佢報警，錢未必追得番，最少要畀知人有呢啲事。」
而記者曾致電找Garry，但多個電話號碼都未能接通，其中一個成功接通卻未有人接聽。而以Suetzi提供的資料，在fb尋找到這個Garry的用戶名稱，並以太陽娛樂高層職銜自居，但到晚上已取消帳戶。
|
鍾意就快D Share啦！
|
|
|