己經成為人妻嘅吳雨霏(Kary)，同老公洪立熙(Brian)上個月喺意大利一個私人酒莊舉行婚禮，噚晚兩人就返到香港四季酒店補擺喜酒，延開20圍。
Kary嘅妹妹同細佬就做司儀，一對新人嘅父母都有致辭，仲表演助慶，Kary又喺致辭時，出賣父母年輕時候嘅婚照，仲爆出爸爸怕媽咪，真係好大膽呀!
而Kary噚日著上嘅中式旗袍就性感露腰同露背，有別於一般傳統設計，係由香港時裝設計師鄭兆良(Barney) 所設計，裙上嘅繡花均由人手縫上，格外矜貴。
呢晚Kary身上嘅鑽飾總值逾二千萬，現場甚至有保安人員保護，真係大陣仗。
