掃呢頁CODE去手機

2015年8月31日 星期一

金城武借車冇還 任賢齊親證傳聞 金城武,任賢齊,



網上一直有傳聞,指金城武曾經向任賢齊借過部車,泊咗喺一個收費停車場之後,就走咗去日本做嘢;任賢齊隔咗好耐先醒起借過部車俾金城武,再問對方拎番架車。呢個傳聞原來係真,仲獲任賢齊親口承認。

據《NOWnews》報導,任賢齊借咗部車出去之後,就去大陸做嘢,隔咗好一段日子先返台灣,之後突然醒起架車,就問金城武,但對方都唔喺台灣,只係講低泊咗架車去邊,最後任賢齊親自去拎番架車。

有指任賢齊抵達現場後,發覺架車夾滿晒停車場收費單,就算賣咗架車都唔夠俾泊車費。不過,任賢齊就冇正面回應泊車費幾錢,只係話:「嗰時金城武要搬屋,大家又係好朋友,當然肯借架貨車俾佢幫幫忙」。
鍾意就快D Share啦!