掃呢頁CODE去手機

2015年8月31日 星期一

開學繼續做開心果 楊鎧凝散發正能量 楊鎧凝,



Celine同媽咪一同接受《東網》獨家訪問,在過程中兩母女流露出情深一面。

next 1/1 pre

Celine更錫錫媽咪畀愛的鼓勵。

next 1/1 pre

Celine受訪全程中,十分活潑!

next 1/1 pre

Celine原來喺學校入面,係眾人嘅開心果,常帶歡笑畀大家。

next 1/1 pre

Celine每見到同學仔唔開心,就會主動帶佢哋去搵老師,認真係一位鍾意照顧人嘅小朋友。

next 1/1 pre

Celine

next 1/1 pre

Celine對住鏡頭毫不怕醜,展現真我一面。

next 1/1 pre

Celine對住鏡頭毫不怕醜,展現真我一面。

next 1/1 pre

楊母透露佗住Celine時曾臥床三個月。

next 1/1 pre

Celine

next 1/1 pre

Celine參加課外活動的相片。

next 1/1 pre

Celine參加課外活動的相片。

next 1/1 pre

開學在即,「美心妹妹」楊鎧凝(Celine)將升讀小學二年班,而Celine與楊母日前接受《東網》獨家訪問,楊母未有嚴苛的期望,只希望Celine繼續做一個開心果,成為向大家散發「正能量」的小天使!楊母更自爆因屬高齡產婦,懷孕期間曾有小產迹象,需要臥床三個月養胎,而陪伴Celine成長過程中,雖然難免會遇到不少辛酸事,但楊母自言沒有甚麼難關是克服不來!

受訪問期間,兩母女盡顯情深一面,表情多多的Celine更即場獻吻給媽咪!而為了迎接Celine的開學,楊母透露早在暑假期間,已準備了所需的開學日用品:「暑假期間帶咗佢去補習,包括英文同數學,同埋買新書包、新鞋同新襪!」又指亦有安排不同課外活動,讓Celine可以在學習中得而增廣見聞:「佢最鍾意學游水同魔術,佢玩得好開心,學完游水之後仲不停繼續喺個泳池度玩!」

照顧身邊同學仔

而對於Celine已是一名小二學生,楊母未有嚴苛的期望,只希望Celine可以繼續做一個開心果:「我哋兩公婆只係希望佢可以再乖啲,同埋成績可以再好啲,之後想畀佢嘗試參加朗誦比賽,一年班時佢做過班長,老師話佢好識照顧同學仔,又聽得明老師講咩,會主動幫手,不過都好難講嘅!Celine真係好有禮貌同聽話,好多人都係咁樣評價佢,其實已經好開心!」

雖然Celine比同年小朋友出眾,但楊母從未因此而感到驕傲,只希望可以教育愛女成為一個懂得分享「正能量」的快樂小天使:「佢成日帶歡樂同正能量畀大家,係我哋嘅開心果。就好似幼稚園同小學時有同學仔情緒有問題,佢會帶佢哋去見老師同一齊玩,令到佢哋開心番!一直有不少學生透過社交網站留言話考試好辛苦,想Celine為她們打氣,亦有家長希望Celine寫信為佢哋患病嘅小孩打氣。」

曾臥床三個月險小產

楊母又指自Celine出世後,兩公婆希望愛女可在幸福快樂環境下成長,生活上亦起了很大變化。她更自爆當年懷孕期間,因為屬高齡產婦關係,曾有過小產的迹象,更需要臥床三個月養胎:「要飲一啲好難飲嘅中藥,當時真係好驚會冇咗個BB,後來順利生Celine出來,自己都好感恩,老人家話係飲得中藥太多,所以引致Celine啲膚色偏黑,細個Celine喺幼稚園嘅花名係『黑妹』!」

雖然在Celine成長過程中,難免會遇到不少辛酸事,但只要回想生產後,看到Celine的第一眼,楊母自言沒有甚麼難關是克服不來的:「因為我係以自然分娩形式生產,過程都好辛苦,但見到Celine出世嗰刻,真係咩痛都唔記得晒,仲有佢第一次叫媽咪時真係心都溶埋,想佢叫多幾次,因為佢係叫爸爸先嘅!」

社工助留意情緒

而自上月寫真集風波後Celine再度上學,楊母亦有擔心過流言蜚語,會影響到Celine的心情:「學校一直對Celine好好,當然今次事件後可能會有好多人會注意Celine,社工會喺學校留意佢嘅情緒,Celine嘅性格一直都好開朗,我哋只係擔心有啲事情發生咗,佢會放喺心裏面,日後同學校溝通好重要。」但Celine在訪問過程中,不時表示非常期待開學,亦在社交網站分享上課外活動的相片,而在魔術班更取得證書,相信早已把不快事拋諸腦後!

鍾意就快D Share啦!