文詠珊強姦戲前後皆露
藝人文詠珊（JM）於新作挑戰演技，既演精神失常，又懷疑被人強姦，屆時將露前露後，直言此乃入行以來尺度最大一次。而戀情方面，JM表示與圈外新歡吳啟楠了解中。
不時輕露本錢的文詠珊，挑戰精神失常角色兼有裸露戲。
文詠珊再度與余安安（左）及許志安合作，相信有一定默契。
林家棟（右）於新片飾演雙性戀角色，於開鏡儀式上預演HeHe溫馨戲。
一眾《兇》片演員參與開鏡拜神，祈求拍攝順利。
文：影視組
文詠珊（JM）、許志安、林家棟及余安安等昨日出席太陽娛樂新片《兇手還未睡》開鏡，露事業的安安搶盡穿運動服的JM風頭，薑愈老愈辣！近年於影壇大展拳腳的JM，飾演情緒起伏兼精神失常的角色，片中又懷疑被安仔及家棟強姦，她認為是演技上的挑戰。
挑戰底線保三點
問到有否裸露戲，JM說：「有但唔性感，係未試過破嘅底線，前後都會露，但唔會露點。鍾意個劇本，所以事前都冇同家人商量，希望演技上有突破，所以去盡啲！」她指拍攝《兇》片同時要為另一電影《寒戰2》開工，雖然被指執二攤，但JM坦言冇所謂。對於舊愛李冠峰被指與嫩模郭穎兒拍拖？JM說：「唔知都唔得啦，個個都講，冇聯絡好耐，咁舊嘅事冇人提，你哋問番佢！（咁你同圈外新歡吳啟楠發展成點？）好忙，但係開心，了解階段當中。（接呢套戲有冇同佢講？）冇諮詢任何人意見，但相信佢哋會支持我。」
家棟拒HeHe吻
同場的許志安被追問片中有否強姦JM？他否認：「唔係，但有親熱戲，尺度冇乜嘢，冇遐想，只露上身。（招牌巨鵰冇機會露？）唔使啲人會想睇JM多啲！」至於家棟只透露戲中既要強姦蔡潔，又要與舞小姐「廁震」，更要與JM假結婚，問到與JM有否情慾戲？他笑說：「點到即止。（片中係咪你強姦佢？）諗都冇諗，戲入面係咁寫，但應該唔會咁拍。（佢話露前露後？）場戲得佢自己一個拍，係疑似畀人施暴，之前圍讀（劇本）JM都話可以再激烈啲，但未知點拍，其實我（角色）係雙性戀，同廿四味成員阿肥係HeHe Friend。（同阿肥咀？）我唔會畀佢咀囉!」
不時輕露本錢的文詠珊，挑戰精神失常角色兼有裸露戲。
文詠珊再度與余安安（左）及許志安合作，相信有一定默契。
林家棟（右）於新片飾演雙性戀角色，於開鏡儀式上預演HeHe溫馨戲。
一眾《兇》片演員參與開鏡拜神，祈求拍攝順利。
|
鍾意就快D Share啦！
|
|
|
