大前日「美心妹妹」楊鎧凝（Celine）就喺網上表演變魔術，成功變走個銀仔；不過尋日（8月2日）佢就變走埋自己喎。原本今日Celine要同「男神」王宗堯去西寶城出席活動，不過以「私人理由」缺席，改由第2代美心妹妹胡梓盈（Keicy）頂上。
負責活動嘅公關就回應幾星期前就收到Celine媽媽通知，因為私人理由而未克出席，所以之後搵咗Keicy演出。不過Keicy媽媽Fiona就表示一星期前接到工作，唔太清楚係咪Celine辭演嘅緣故。
另一邊廂，王宗堯對Celine缺席一事就表示一早知道，仲話：「希望件事快啲搞掂。」
