| 李克勤於紅館參加母校的校慶，並演唱了多首金曲。 | next 1/1 pre |
 | |
| 李克勤賣口乖大讚母校。 | next 1/1 pre |
 | |
| 李克勤澄清演出《蒙面歌王》的酬勞並非坊間所指的750萬。 | next 1/1 pre |
 | |
| 李克勤又指沒有後悔演出《蒙面歌王》。 | next 1/1 pre |
 | |
| 彭健新連續3年為音樂會擔任結他手。 | next 1/1 pre |
 | |
| 陳美齡亦為嘉賓之一。 | next 1/1 pre |
 | |
| 王敏德父子檔演出《Home》。 | next 1/1 pre |
「華仁仔」李克勤早前代表香港參戰內地節目《蒙面歌王》，更成為首集冠軍，參賽片段點擊率持續高企，帶挈他人氣急升，奪冠後眼濕濕與觀眾大合唱的首本名曲《紅日》亦憑此翻Hit！昨日，克勤以校友身份為母校華仁書院在紅館舉行的90/95周年校慶籌款音樂會《華仁‧我家》撐場，身為焦點人物的他以壓軸嘉賓登場，一口氣唱出《大會堂演奏廳》、《一生不變》、《紙牌屋》、《你最重要》及「國民金曲」《紅日》，全場觀眾紛紛尖叫兼拍爛手掌！
激讚母校
「告別校園」已久的克勤重返中學，受訪時表示由綵排時已察覺母校的轉變：「現代化咗好多，又有升降機！今次同學校管弦樂隊合作，佢哋嘅水準拍得住專業！我見番以前好索嘅英文Miss，佢依家都好索！」他又賣口乖大讚母校：「我同其他舊生都好熟，每年都捐錢。呢間學校師生關係好，注重學生感受，唔會強迫你死讀書！」
提到早前參戰的《蒙》傳是非，他希望觀眾不要過於挑剔每個環節：「第二集我都有睇，評判都少咗講嘢，唔知巫啟賢真係估唔到定係假，咁都係個話題，我同佢掉轉都冇辦法立即估中節目最成功係製造話題，我冇後悔參加，覺得好開心同埋好好玩！」他表示收到各方恭賀，令他重拾奪得最受歡迎男歌手的感覺。
否認收《蒙》750萬
他又透露下集將以冠軍身份再亮相《蒙》分享感受，問到日後會否大部分時間都留在內地工作？他說：「香港係自己基地，但擔心比賽日期同9月演唱會太近。」他又澄清演出《蒙》的酬勞並非坊間所指的750萬：「今次係緣分，檔期啱，覺得個節目認真同有趣，所以揀咗佢。」
王敏德父子檔合唱
至於溫拿組合的彭健新則已連續3年為音樂會擔任結他手，他說：「雖然唔係舊生，但之前嚟過幫阿倫彈結他，今年都係！佢哋製作認真，我喺後台都有同學生傾偈，離不開音樂話題。」他又透露曾到訪華仁的禮堂：「識得啲舊生有隊House Band，我幫手彈結他，朋友叫到咪玩吓囉！」此外，王敏德的兒子王躍穎就讀華仁，昨晚除了與家人撐場外，又與兒子上台Jam歌，父子檔合唱《Home》！
|
鍾意就快D Share啦！
|
|
|
