掃呢頁CODE去手機

2015年9月5日 星期六

亞視有新劇?14年前倉底貨出土 嫩口蔡國威:耐到冇印象 亞視,蔡國威,





其他影片:>>






剛過去的周一至周五晚8點半黃金時段,亞視推出一部講述戰後日本遺孤在中國生活的紀實劇《銘記歷史:大地遺孤》,聲言是為抗日戰爭勝利70周年誠意獻上。

表面上,《大地遺孤》是一部首播新劇,但其實卻是被埋倉底14年的「文物」,當中絕大部份參與演出的演員如龐秋雁、陳寶轅、宗揚、謝雪心、冼灝英、「殭屍仔」張國權等,全都已經離開亞視,有份演出其中一單元的肥豹鍾慧寧更於去年墮樓身亡,獨剩蔡國威仍然留低;由於人面全非,又難怪劇集首播,亞視低調得未有進行任何宣傳。

據了解,原來亞視因多番易手下,這部劇被存放倉底並被遺忘,直至《大地遺孤》,現為nowTV監製的賀志良昨說:「我喺亞視監製過《尋找他鄉的故事》,之後離開亞視自己搞製作。嗰時ATV又想要節目,反正我哋有呢啲個案故仔,所以就設計咗呢個docudrama(紀實電視劇),ATV外判畀我哋做。」

對於亞視遲了14年才推出,賀志良說:「我當年係封小平年代傾,好似拍完冇幾耐亞視就易手,可能易手之後有啲混亂,有人唔知道拍咗呢舊嘢。」賀志良指早前跟亞視執行董事葉家寶聯絡,原來對方不知道有此劇集,後來獲悉後便決定趁抗戰勝利70周年這段時間內推出。

記者昨致電蔡國威,他亦忍不住笑說:「當年我好嫩口係嘛!好坦白講,唔記得有呢套劇存在。其實幾好吖,可以重見天日,遲係遲咗啲,遲咗14年,但好記得當年大家好畀心機去做,隔咗14年之後,見到好多周遭朋友同網上討論區,好多觀眾都話好睇,又話感動到眼濕濕,都幾神奇。希望公司見到反應好,嗱嗱聲開番套劇集,唔好隔咗10幾年先有套劇集出現」

當年主演劇中《班忠義與曾大媽》單元的龐秋雁,昨日極度驚訝說:「係咩?唔係嘛?好搞笑呀,竟然可以出街亞視真係乜都做得出!呢個戲我由17歲做到67歲,對我嚟講幾有滿足感!呢個係我喺亞視最後拍嘅戲,雖然資源好少,但我都好畀心機去做。」

對於14年前劇集延至現在才播出,亞視發言人昨解釋:「呢個劇先前拍落,因為節目上安排,所以一直未有播出,因為今年係抗戰勝利70周年,所以將相關節目播出。」其實《大地遺孤》先後到內地和日本拍攝外景,劇中本有多個單元故事,但亞視只抽選其中兩個單元於過去周一至周五晚播出,認真「嘥料」。

蔡國威(右)14年前演出《大地遺孤》的《班忠義與曾大媽》單元時十分嫩口。(電視圖片) 龐秋雁在《班忠義與曾大媽》飾演曾大媽,跟演童年班忠義的「殭屍仔」張國權有不少對手戲。(電視圖片)
鍾意就快D Share啦!