| 到底佢同「大狀男友」係唔係拍拖，真係得佢兩個人先知…… | next 1/1 pre |
 | |
| 麥明詩Instagram原文。 | next 1/1 pre |
出爐港姐冠軍麥明詩（Louisa），出身劍橋法律系兼女拔十優狀元，當選前後都被熱烈討論，感情事當然亦備受關注。近日就有消息指麥明詩有個牛津法律系畢業的大狀男友林作，但麥明詩就堅稱對方只係好朋友，更笑指牛津和劍橋有距離阻隔喎，不過佢都有讚對方叻仔！但被問到到底對方缺乏啲咩嘅時候，Louisa就話：「爭啲成熟囉！」
不過，就喺今日凌晨時分，Louisa就喺Instagram到post咗篇好長篇嘅文，主要就喺講「成熟」呢個問題喇！佢話因為當初一句「唔夠成熟」影響到好多人，仲話有「朋友」從事專業行業，令佢成為娛樂新聞嘅報導對象並唔恰當，唔希望影響到佢，仲懇求大家畀多啲空間佢哋添！最後佢仲話：「但我們正朝著（着）我們各自認定的方向前進，一路互相扶持，但願日後也能繼續。」唔知喺咪暗示緊林作呢？
Louisa Instagram原文內容：「突然成為公眾人物，感情狀況受到關注，這都是意料中事。但由於一句「不夠成熟」，身邊很多人受到影響。 我問自己，甚麼是「成熟」？許多人所謂的成熟，不過是被現實磨去了棱角，為了生存變得世故而實際。但那只是精神的早衰。真正的成熟，是堅持認定了的人生方向，認清自己的喜惡，自我實現。像我參選港姐時所說的，我希望成爲「賢良淑德」，那是一種需要窮一生精力去追求的「成熟」。有朋友從事專業行業，對他來說成為娛樂新聞的報導對象並不恰當。因此我一直不希望影響到他。我懇求給我們多點空間。對，他和我都不夠成熟，但我們正朝著（着）我們各自認定的方向前進，一路互相扶持，但願日後也能繼續。」
|
鍾意就快D Share啦！
|
|
|
