出爐大律師林作呢類英雄，都難過港姐冠軍嘅美人關！
才子陶傑早前大爆林作有個「正在崛起」嘅女友，其後亦當住傳媒面前，話所指嘅就係麥明詩，男方講起都風騷，點知麥明詩話佢唔成熟，而且唔係劍橋仔，所以間接否認同林作關係。
一戴上后冠，女友就唔承認自己，難怪林作喺Instagram post一男六女相，又瘋狂自抽「唔夠成熟」，可能覺得自己同阿源，都有幾份相似；阿源…阿Joe嘅弱小心靈受創，麥明詩即刻漏夜補鑊，話大家都唔夠成熟，不過，會一路互相扶持，希望日後都會繼續。
「賢良淑德」嘅女友咁識講嘢，阿Joe應該唔使再借Instagram扭計喇掛？
