入到大陸，就要符合國情。國情就是，插隊打尖，就地解決，已是常態。喺大陸發展多年嘅陳冠希，似乎仍然未了解、入鄉隨俗。
今午，戴草帽、身穿粉綠tee嘅陳冠希，同助手現身上海虹橋機場。據現場目擊者稱，在等check in期間，一名四眼大叔疑打尖，陳冠希看不過眼，一手立咗對方張身份證，掉咗。該名大叔嬲豬，即揪住陳冠希件衫領口，兩人起衝突。圖中只見本來踢拖的陳冠希其中一隻鞋飛脫，帽都甩埋。
手執加拿大籍，陳冠希卻於ig說'I AM A CHINAMAN AND I AM PROUD!!'，被網民冷嘲，陳冠希還說:「我以身為中國人為傲…2015年大家不要再當個思想狹隘的人！別受自己感覺困擾，然後賺多啲錢！」呢單嘢，原來喺新歌《東方快車》都有講:「97前英國殖民 97後中華人民 喺邊度出身究竟有乜嘢身份 2015三角度降落洛杉磯 東方列車降落日落大道歡迎你」，歌詞仲話:「一個中國人 作為黃種人 台灣中國香港點解係都要分 點解唔一齊have fun(下略) 」
「我係中國人 上海廣州北京啲銀紙係咁印 代表我哋黃種嘅男人 感謝台灣台妺 簡直係極品 我係中國人 就算出世揸住加拿大嘅身份」，究竟係咪曲到圓0架？依家陳生切身進一步認識國情，未知可會令其改變想法？
| (微博圖片) |  本來陳冠希同助手在check in (微博圖片) |  陳冠希手指指的大叔，疑就是打尖大叔。(微博圖片) |
 爭執之下， 拖鞋同帽都甩埋。(微博圖片) |
|
鍾意就快D Share啦！
|
|
|
