貴族學校 加強保安 栢芝 20萬供仔留港開學 [FACE - 432] 栢芝,張栢芝,MF,

週一（ 31日） Lucas同 Quintus由工人同司機湊返學，上週有送返學嘅栢芝就無現身。

真面目

貴族學校　加強保安　栢芝 20萬供仔留港開學

張栢芝大仔 Lucas（謝振軒）同細仔 Quintus（謝振南）成日跟住媽咪周圍飛，今年終於返港定居，而且搵到貴族學校之一嘅沙田國際學校讀書，上星期已放完暑假返學。

兩兄弟同時入讀沙田基督教國際學校，此校屬國際學校中 10大最高學費之一， Lucas同 Quintus分別讀小學及幼稚園部， 1年學費連雜費起碼超過 20萬；而學校方面今年保安亦明顯加強，任何車輛出入上落客區都要登記，學生要出示學生證先入到學校，果然保安森嚴！

張栢芝跟謝霆鋒離婚後，曾帶住兩個仔去加拿大，去年更移民新加坡，大仔 Lucas期間不斷轉校當然唔係咁好。所以今年栢芝終於返港搬回世紀大廈居住，兩兄弟一同入讀一條龍服務嘅沙田基督教國際學校， 8歲 Lucas讀小三、 5歲 Quintus則讀幼稚園 K3，上星期開學更有人目擊栢芝晨早送一對兒子返學添！

基督教國際學校唔係人人讀得起，每年學費連使費要成 10萬。

據知栢芝早前為兩個仔搵學校都唔成功，今次要靠教友姊妹鄭明明幫手至搞掂。網上圖片

天價學費

基督教國際學校上年要求同志教師出櫃，引起同志團體關注，何韻詩、黃耀明、陳志全等抗議歧視。《蘋果日報》圖片

之前栢芝替兩子喺香港搵過幾間國際學校可惜考唔入，據知今次係靠鄭明明幫手至搞得掂，吳綺莉囡囡同羅霖細仔都係讀呢間學校。學校設施好完善，連室內體育館都有 2個，仲有室內泳池，啱晒 Lucas同 Quintus兩位好動仔。

上星期開學栢芝送仔返學，校方今年喺保安方面明顯加強咗，任何車輛進入停車場範圍，都要預先留車牌登記，而學生入學校一律要出示學生證，防止閒雜人等進入。

呢間貴族國際學校學費亦好貴，中學部每年學費 10萬港元起步，小學要 9萬，幼稚園都要逾 8萬，另加約 1千 2百元書簿費及 1千元維修費，即係栢芝供仔讀書每年要 20萬。

雖然學費「金」，不過栢芝為咗一對囝囝留港讀名校唔計得咁多，而且栢芝仍然喺內地有騷做有錢搵，加上老竇霆鋒唔會唔出手，所以唔使擔心咁多

讀勻 3地

上月中 Quintus發燒入咗養和醫院， 8月 12日謝霆鋒下午一點幾到醫院探望，張栢芝則同日兩點睇阿仔，兩人還在醫院房內共聚近半粒鐘。

去年栢芝同囝囝移民新加坡，自拍去主題樂園玩，不過 Lucas同 Quintus轉學不久今年又回流香港，兩兄弟好似人球一樣又要轉學校。

幾年前栢芝帶同兩個囝囝住加拿大， Lucas於是喺當地讀書，點知後來栢芝要走， Lucas惟有退學。

狂接騷

張栢芝為養家經常到內地工作，定期每個禮拜要返上海錄影《天天向上》，所以返港定居，方便過新加坡。網上圖片

除電視節目外，栢芝亦接很多商演，吸金力仍然強勁。網上圖片

名人仔女爭住讀

據知沙田基督教國際學校（ ICS）師資同院舍設施都唔錯，室內體育館都有兩個，顧及學生學習同運動，所以多明星家長都鍾意為子女報讀。

吳綺莉

吳綺莉 4年前同囡囡卓林由上海搬返香港，卓林入讀 ICS。今年初吳綺莉涉嫌酒後動粗， ICS學校社工得悉後由校方代為報警，卓林更一度與校長深夜狂奔避傳媒，吳綺莉涉嫌虐女被捕，後來獲女兒諒解無條件銷案。

羅霖

羅霖與劉坤銘離婚後要獨力撫養兒子，拍情慾片又出寫真都係為咗養三個仔，細仔劉子晉（ Jonathan）每年就要花十幾萬入讀 ICS。

黎瑞恩

黎瑞恩一對仔女曾凱栭及曾浩儒都係 ICS學生，由幼稚園讀到上中小學部；黎瑞恩離婚後為遷就仔女返學，更由九龍塘搬到沙田服務式住宅，後來再搬到大埔比華利山居住。

採訪、撰文：娛樂組

攝影：娛樂突發組

鍾意就快D Share啦！

下一篇 》