2015年9月23日 星期三

蕊蕊派定心丸谷行34F冧金剛 蕊蕊,金剛,陳蕊蕊,



蕊蕊被男友金剛「私有化」後,其實身邊仍有不少狂蜂浪蝶,但對金剛一條心的她不為所動,更趁中秋化身性感玉兔,大騷三吋「事業線」向男友派定心丸,並自爆將留港人月兩團圓!文:專案組

蕊蕊出冧招大騷事業線,金剛當然開心啦。

化身玉兔的蕊蕊表示中秋與金剛人月兩團圓。

不乏富貴追求者的蕊蕊仍對金剛一條心。

攝:張福宏

蕊蕊與男友金剛拍拖兩年,感情穩定,據知其實蕊蕊身邊都有不少狂蜂浪蝶,發動攻勢力追,她說:「佢哋係生意人同金融才俊,但我對佢哋一啲感覺都冇,當佢哋係普通朋友!試過最誇張有個追求者不斷約我食飯,我都拒絕唔出去,最後佢等我收工,我就叫朋友過嚟接我,幫我解圍!」

學整月餅 男友試味

為向男友派定心丸,蕊蕊趁中秋臨近,身穿性感低胸連身裙化身玉兔,大騷34F上圍兼三吋「事業線」冧金剛,更透露中秋當日會與金剛留港人月兩團圓:「一早已經約晒朋友中秋節正日去BBQ,玩燈籠食月餅賞吓月,平平淡淡咁過,一樣咁開心!」問到金剛可知道她身邊有追求者,她說:「呢啲嘢我當然會同佢講,唔會隱瞞任何嘢,唔想大家之間有咩誤會。」蕊蕊又表示明年希望學整月餅做美女廚神:「我都想報班試吓整月餅,因為我都未試過,應該都幾好玩!(金剛試食?)佢梗係要捧場」

內地登台不過夜

此外,蕊蕊近年積極在內地登台賺人仔,可是辛苦錢唔易賺,賺的一分一毫都有血有汗。上周五、六蕊蕊連續兩天返內地登台,只見她表演時群情洶湧,台下勁多Fans伸手向蕊蕊打招呼,記者致電蕊蕊,她表示Fans只是熱情,沒有碰到她:「佢哋真係好熱情,佢哋伸手都只係問我攞簽名,冇掂到我,如果見到有異樣會避!」

蕊蕊又表示因為堅持在內地登台不過夜,所以舟車勞頓很辛苦:「好似上個禮拜咁,第一晚表演完就會坐車先返香港,第二日再上過去,都幾攰!」

蕊蕊出冧招大騷事業線,金剛當然開心啦。

化身玉兔的蕊蕊表示中秋與金剛人月兩團圓。

不乏富貴追求者的蕊蕊仍對金剛一條心。

鍾意就快D Share啦!