| 甄詠珊搭貴的仲被鬧，搞到佢嬲爆，佢仲嘆的士獨大！ | next 1/1 pre |
 | |
| 甄詠珊前日由太子搭的士去位於九龍站嘅圓方，但車資竟然比平時多近一倍！ | next 1/1 pre |
 | |
| 的士司機仲要鬧甄詠珊，令佢嬲到拍片！ | next 1/1 pre |
 | |
| 甄詠珊考慮告該名的士司機！ | next 1/1 pre |
 | |
| 甄詠珊希望政府正視的士獨大問題！ | next 1/1 pre |
 | |
| 石詠莉（圖）知道好友甄穎珊發生呢件事，戥對方慘慘豬！（資料圖片） | next 1/1 pre |
前性感女子組合Freeze成員甄詠珊昨日在微博大動肝火，指前日被的士司機濫收車資，下車時更聽到對方鬧她「正龜婆」，嬲爆的她表示已報警處理。事緣，甄詠珊前日由太子搭的士前往位於九龍站的圓方，她表示：「坐過無數次車費都係40蚊左右！」但前日該程車資，收費錶卻跳至79元，車資多了近一倍！
嬲爆發文
自認平日EQ非常高的甄詠珊在微博寫道：「非常極度超級爆嬲，簡直唔可以用嬲呢個字黎（嚟）形容，警就已經報咗...我一直唔敢出聲，因為我驚比（畀）人掉落車，所以一直忍，終於到左（咗）我就講：我話你兜路喎，你唔好當我係遊客」之後她又再發文，說：「當我落咗車，我好清楚聽到佢鬧我正龜婆，嘩，你地（哋）話我係咪要爆？」
拍片有圖有真相
她不但一連發了3則微博怒轟司機，更有圖有真相，公開的士司機的樣子及司機證，又將事發所拍的短片上載到網上，片中聽到甄詠珊不斷質問司機有否兜路，更跟司機說不回答便不下車：「即係油麻地去尖沙咀要80蚊？你講呀，你有冇兜路，你講！」而司機則說：「我唔需要答你呢個問題，我照錶收。」的士司機又表示自己是職業司機，有權選擇行車路線，反指甄詠珊沒有出聲異議，令甄詠珊激動地說：「你冇問我呀！」最後司機就拋下一句：「你投訴你有咩可以去投訴，我打定張單同警察解釋！」
「的士界以為自己大晒」
甄詠珊接受《東網》電話訪問，指自己肯定對方不是鬧她「八婆」，說：「佢個咀形都係龜字。」她又表示當日要去飲宴，驚會飲酒所以選擇不駕車而搭的士，她說：「我都明白司機要搵食，但最大問題係態度，真係好嬲，所以今日中午打電話報警！平時我揸車去圓方，係經彌敦道去塘尾道，但今次個司機係行界限街，跟住又再由海港城嗰邊轉去圓方！」而她今次將事件擺上網，是希望政府正視的士獨大問題，說：「我唔係第一次遇到，的士界以為自己大晒！其實我都諗緊告唔告，唔係想罰佢啲咩，係想畀多啲選擇市民，依家UBER又冇咗。我都有遇過好嘅的士司機，撞正遊行都車我，所以我落車有畀100蚊獎勵。」
石詠莉嘆甄穎珊陰公
曾與甄穎珊組成性感女子組合Freeze的石詠莉（Sukie），原來雙方多年來也有聯絡，她聞得好姊妹與的士司機發生不愉快事件，她即嘆對方陰公：「咩咁慘慘豬呀！我轉頭打電話安慰吓佢先！我覺得好男不與女鬥，如果報咗警就交畀警方處理，相信呢個世界有法律。」談到甄穎珊認為現時的士獨大，Sukie亦寄望政府能定一些法例，好讓大眾多一點出路，更自爆以往亦遇過被的士司機責罵，她謂：「會埋怨我咁近都搭，不過都唔係全部的士司機都係衰人，我都遇過啲好好嘅，好彩最近我考到車牌，以後都可以揸車，唔使搭的士嘞！」
|
鍾意就快D Share啦！
|
|
|
