【太陽報專訊】前性感女子組合Freeze成員甄詠珊昨日怒轟的士司機，她指平日40元的車程疑因司機兜路而變成79元，下車時更聽到司機鬧她「正龜婆」！嬲爆的她報警之餘，更在微博公開司機的資料。
自認EQ高的甄詠珊昨日在微博圖文並茂怒轟的士司機，她表示前日由太子乘的士往圓方時，疑因司機兜路令平日約40元的車資跳至79元，多近一倍：「非常極度超級爆嬲，簡直唔可以用嬲呢個字形容，警就已經報咗…我一直唔敢出聲，因為驚畀人掉落車，一直忍，終於到咗我就講：我話你兜路喎，你咪當我遊客」其後她再發文：「當我落咗車，好清楚聽到佢鬧我正龜婆，嘩，你哋話我係咪要爆？」
拍片開司機名
甄詠珊不但怒發3則微博，更開司機名兼公開事發時所拍的短片，片中聽到甄詠珊不斷質問司機有否兜路，更揚言司機不回答便不下車：「即係油麻地去尖沙咀要80蚊？你講呀，你有冇兜路……」司機指不需回答，是按錶收費，自己有權選擇行車路線，反指甄詠珊冇出聲，甄詠珊即激動說：「你冇問我呀！」最後司機拋下一句：「你投訴你有咩可以去投訴，我打定張單同警察解釋！」
甄詠珊昨日接受本報電話訪問時指肯定對方不是鬧她「八婆」：「佢個嘴形係龜字。」又指公開事件是希望政府正視的士獨大問題：「唔係第一次遇到，其實都諗緊告唔告，唔係想罰佢啲咩，係想畀多啲選擇市民，依家Uber冇咗，都有遇過好司機，落車有畀100蚊獎勵。」她指當日去飲宴驚會飲酒，故不駕車而搭的士：「都明白司機要搵食，但最大問題係態度，真係好嬲，所以中午打電話報警！平時我揸車去圓方，經彌敦道去塘尾道，但今次個司機行界限街，跟住再由海港城嗰邊轉去圓方！」
石詠莉致電安慰
前隊友石詠莉昨日獲悉甄詠珊遇的士司機兜路兼不禮貌對待時說：「咩咁慘慘豬呀！轉頭打電話安慰佢，好男不與女鬥，報咗警就交畀警方處理，相信呢個世界有法律。」她又認同現時的士獨大，亦曾因車程太近而被的士司機罵。
文：專案組
相關新聞
|
鍾意就快D Share啦！
|
|
|
