| 關之琳自爆有「人群恐懼症」，所以唔太喜歡出街。 | next 1/1 pre |
 | |
| 關之琳首次做老闆，美容產品只出一件。 | next 1/1 pre |
 | |
| 關之琳表示18歲入行時已經畀人話加工，下巴尖眼睛大，她笑自己十分先進。 | next 1/1 pre |
 | |
| 關之琳自嘲樣貌似豬油糕，其實性格好急。 | next 1/1 pre |
 | |
| 近年未有參與電影只做代言工作的關之琳笑言自己是「無事忙」。 | next 1/1 pre |
 | |
| 所以今年趁「無事忙」推出自己嘅產品係最好時機。 | next 1/1 pre |
 | |
| 曾經受騙，關之琳豁地表示睇通咗當幫人。 | next 1/1 pre |
 | |
| 先集中一件產品，經營好之後，關之琳表示會延伸其他產品。 | next 1/1 pre |
 | |
| 關之琳翹實陳泰銘，關係不言而喻。 | next 1/1 pre |
 | |
| 之之談陳泰銘：「叫佢未婚夫？唔得，男友？叫佢陳生最好。」 | next 1/1 pre |
 | |
| 晒粉紅巨鑽 | next 1/1 pre |
 | |
| 行山當運動 | next 1/1 pre |
大美人關之琳今年踩入商界，創立自家美容品牌，初次做老闆的她，透露曾因為心軟，明知被呃也硬啃，十分傷心，而雖然她經常出席活動，其實私底下有「人群恐懼症」。
藝人從商，對於大美人關之琳（之之）來說，可能已經算是遲起步，正如她所講，一直好想做扮靚生意，只是未到時機，對於今年「突然」做生意，連她自己也覺得事出突然，她說：「係幾突然，因為講咗好多年想做啲嘢，曾經有大陸時裝傾過，但搞到唔太開心，自己最拿手做時裝、美容、化妝，做靚嘅嘢，今次遇到個partner做嘢快，自己做嘢又係好急，希望做就做到最好，我同partner兩個同樣又快又急，合得來好緊要。」
做生意只賣一產品
之之說明白藝人做生意不容易，她開展生意首要為興趣，希望與人分享，其次才是賺錢，她講笑現在因無事忙，無拍電影，只做代言的工作，故認為是營商的好時機。而特別的是，她的生意，現時只有一件乳液產品，原來這亦是她的策略之一，先集中一件產品，經營好之後，再延伸推出其他產品。對於選擇乳液作為第一個試驗，她說：「我幾乎所有牌子嘅body cream都試過，有平有貴，因為成日去旅行，皮膚容易敏感，外國天氣乾燥，水又硬，一定要帶定body cream，試過一個好用到不得了嘅cream，後來停產咗，激死，如果去長途旅行，cream更加重要。」
度身訂造女人香
由關之琳打造的美容品牌「RK」，名字由其英文名Rosamund Kwan而來，現時產品只有一款乳液，她透露將會陸續推出其他類別的產品，其中香水是其一。其實早年陳泰銘曾給之之送上一份極具心思的禮物，就是為她度身訂造一款香味香水，香水由法國製造，氣味甜甜的，很清新的感覺，現已註冊為她獨有的味道，之之一直很想發展該香水，但考慮到生產成本問題，所以暫時該款獨特的味道，只能給自己獨享。
投資珠寶好過買樓
問之之會否請教男友營商之道，她笑謂：「唔會，佢做嘅嘢同我差太遠，佢唔會知body cream係點賣。」但她坦言男友跟她同樣喜歡珠寶，近年她更受男友感染開始研究珠寶，特別喜歡紅寶，專揀優質紅寶入市，喜歡靚的東西，又有利可圖，認為投資珠寶比投資買樓更具潛力、更保值。投資有道的之之，外表精明，但自爆曾經衰心軟，明知被呃也自願上當，她說：「畀人呃好傷，傷友情、傷信任。（傷錢和傷友情邊樣傷啲？）一樣傷，有時心軟，明知畀人呃，但心軟，睇通咗，唔通唔幫佢？」
未慣網上公開自己
作為大美人，一定很多人向她請教扮靚心得，之之笑言從30歲開始，便經常被人請教保養修身之道，要做大美人實在不能偷懶，做運動是她的唯一秘訣，以前喜做器械運動，現在她偏愛行山，但其實她怕出街，怕人多地方，自爆是患有「人群恐懼症」，她說：「我有人群恐懼症，好少出街，但我好鍾意行山，鍾意沿途睇吓花草，吸吓清新空氣，而我行山唔係慢行，係『跑山』，行得好快。」她說經常到大陸出席活動，每次都是點對點由酒店直達活動場地，活動完後直接返回酒店，其他時間從不外出，故朋友每次問她到當地往哪裏逛時，她的答案都是沒有，唯去年她開了Instagram，首度開通了與人溝通的渠道，只是至今尚未習慣在網上將自己完全「公開」，她說：「我好少post相，我唔興影自己，唔係咁多嘢寫，所以好少人睇，慢慢嚟，自己唔想畀人知我喺邊，鍾意畀人估吓。」
|
鍾意就快D Share啦！
|
|
|
