【本報訊】「佢比較面皮薄，好封閉自己，又唔願意同人開口。」六弟阿強分析慘劇成因，與四哥振興好勝及內向性格有關，四哥曾經要風得風，可能對自己如今困境羞於啟齒，「只要肯與家人傾訴，其餘兄弟姊妹定必齊心幫佢」。
轉數快白手興家
阿強表示，四哥是一個沉默的人，但他轉數很快，能夠白手興家非屬幸運，絕對是靠他的本事。他指驚聞四哥攬子同死，心如刀割，昨提及三父子慘事時更多次落淚，慨嘆兄長太過固執：「唔掂同屋企人傾到掂，一定可以爬得起身。」他稱，雖然各兄弟已成家立室，各有各忙，但也關心家人，移居加拿大多年的大哥早年患血癌，他特意赴加國捐骨髓。而四哥人生低潮時，開設寵物店的阿強曾邀請到店舖幫手：「佢返嚟幾日就冇返，可能做開大生意，對我哋呢啲唔感興趣。」
日前，阿強聽聞四哥經濟拮据，沒錢開飯買藥，曾託母親轉交一萬元。他稱四哥好勝心強，「樣樣都要贏人」，連串打擊或令他不理智，狠然向一對兒子下毒手，相信是對前景絕望及想令前妻難受。
■記者謝志輝
|
鍾意就快D Share啦！
|
|
|
