掃呢頁CODE去手機

2015年9月12日 星期六

韓國五人長腿幫邊個最煞食?



五大型男各有特色,大家最Like邊一位?

next 1/1 pre

洪宗玄因為出演2NE1《Falling In Love》MV而廣為人認識。

next 1/1 pre

洪宗玄同Yura曾經出演明星戀愛節目《我們結婚了》。

next 1/1 pre

李洙赫成身散發出陣陣「貴公子」魅力,小編暈噜。

next 1/1 pre

李洙赫(左)同GD老友鬼鬼。

next 1/1 pre

金英光早於2006年出道,係「五人長腿幫」入面嘅前輩。

next 1/1 pre

數到人氣勁,《繼承者們》嘅金宇彬一定走唔甩啦。

next 1/1 pre

左起:李鍾碩、朴信惠、金英光

next 1/1 pre

金宇彬與女友新敏娥

next 1/1 pre

除咗金宇彬(左),李鍾碩都深受女粉絲歡迎。

next 1/1 pre

盛駿嘅眼神好不羈呀!

next 1/1 pre

近年出現咗一個新Trend「模而優則演」,好多model出身嘅俊男美女都紛紛轉戰戲劇界,仲好多人能夠成功發圍,變成一線嘅小生花旦!首先講吓啲香港代表,女嘅有陳瀅、文詠珊、Angelababy等,男嘅就有影帝任達華、古天樂、吳彥祖等,而台灣都有好多香港觀眾熟悉嘅當紅演員亦係模特兒出身,就好似F4成員之一言承旭、前飛輪海成員之一嘅汪東城、台灣第一名模林志玲、阮經天、鄭元暢等等,真係十隻手指都數唔晒!

而喺呢個「韓流」當道嘅年代,又點少得韓國一大班Oppa同Onni吖!就好似《Running Man》主持人之一嘅李光洙、《來自星星的你》入面扮演全智賢細佬嘅安宰賢、套套主演劇集都大收嘅李鍾碩等,都一樣係Model出身。而女演員方面亦一啲都唔輸蝕,有新進女演員李成景、一線花旦孔孝真、進軍荷里活嘅裴斗娜、憑《我愛金三順》爆紅嘅金宣兒等等!不過,不得不提嘅一定係令所有男士都羨慕妒忌恨嘅「五人長腿幫」!

「五人長腿幫」成員包括金宇彬、金英光、李洙赫、盛駿同埋洪宗玄!佢哋個個都係「大勢」演員,依家喺韓國戲劇界唔難搵到佢哋嘅身影,夠高有樣之餘,仲要演技了得,而佢哋5個私底下仲份屬好兄弟,真係令人不禁慨嘆一句「點解呢個世界咁唔公平」架?

數數「五人長腿幫」嘅背景先,1989年出生嘅金宇彬身高1米87厘米,2008年開始做model,2011年憑KBS特別劇《白色聖誕節》出道,之後出演《紳士的品格》令知名度激增,再以《學校2013》同《繼承者們》爆紅,風頭一時無兩!喺電影《技術者們》同《二十歲》仲要擔正男主角,嚟緊佢仲會夥拍「國民初戀」秀智出演新劇做男一,佢嘅女朋友新敏娥都係做model入行,兩個人相當匹配感情又穩定,簡直令佢事業愛情兩得意!

而有份主演《Pinocchio》嘅金英光喺2006年就出道,可以話係「五人長腿幫」入面嘅前輩,擁有煞食招牌笑容!而盛駿就憑不羈眼神迷倒大班忠實女fans,今年出演《海德、哲基爾與我》飾演催眠師,完成演繹「暖男」同「綁架犯」形象,令人驚艷!而貴為「亞洲頂級模特兒」嘅李洙赫就憑住佢嘅獨有「貴公子」魅力成為戲劇界新貴,身為「YG好朋友」嘅佢同G.Dragon、CL都老友鬼鬼,喺古裝劇《樹大根深》做cool爆殺手嘅佢用抑鬱氣質同深邃雙瞳令一眾女fans都心甘命抵畀佢電暈!至於同李洙赫一齊主持《Style Log》嘅洪宗玄就因為出演2NE1《Falling In Love》MV而為人認識,之後佢同Girl's Day成員Yura出演《我們結婚了》人氣急升,仲成為《人氣歌謠》主持,廣告代言接踵而來!

網民有話兒

EmilyYxx:金宇彬被稱為「最靚仔嘅醜男」真係名副其實,不過5個都咁掂呀!

NikiChxx:我之前睇過盛駿拍嘅《搖滾吧!花美男》,演得又唱得,正!

Carmenxxxxxx:其實光洙真係好成功,搞笑又得做戲又得!

Olivia黃xx:5人幫最鍾意金宇彬,同埋好羨慕Yura同洪宗玄拍《我結》,識到1個就自己識埋其他!

「東網巨星」fb專頁:

每日Keep住推介最「精」最「趣」娛聞,只需數分鐘,即可化身娛樂通,茶餘飯後唔驚冇話題。想加入熱議最hit最爆娛聞行列?呢個專頁真係不Like不可。

http://www.facebook.com/onccstars

鍾意就快D Share啦!