| 連詩雅話勁驚跑完半馬之後冇咗隻腳，又話嚇到媽咪喊。 | next 1/1 pre |
 | |
| 連詩雅早前負傷跑半馬。 | next 1/1 pre |
 | |
| 連詩雅要撐住拐仗開鏡。 | next 1/1 pre |
 | |
| 個樣似死撐，好痛咁！ | next 1/1 pre |
 | |
| 我見猶憐！ | next 1/1 pre |
 | |
| 不時要人扶住！ | next 1/1 pre |
 | |
| 認真要好好照顧身體 | next 1/1 pre |
 | |
| CHOK甫合照。 | next 1/1 pre |
歌手連詩雅（Shiga）拿着枴仗出席微電影開鏡儀式，左腳包紮的她行路時都要靠人扶住，行路時更拐吓拐吓。
受訪時她透露左腳是之前在挪威跑半馬時受傷：「跑完之後返香港，嗰日係去咗睇骨科，之後第兩日又要飛去澳洲做周柏豪演唱會嘉賓，嗰日我都要攞住個拐仗唱歌，平時唱歌我鍾意喺個到郁嚟郁去，但嗰日郁唔到，好似畀人捉住咗，好唔舒服。（依家傷勢點樣？）仲未好番晒，我係左腳肌肉腫脹同埋關節膜發炎，做緊物理治療，行唔都唔方便，依家將啲力御晒去右腳到，但本身跑半馬前係右腳有事，所以依家兩隻腳都痛。」她又講到半馬衝線一刻哭是因為想到自己經歷很多事，而且難得來到挪威，所以希望完成賽事：「跑到14公里已經好痛，好驚跑完之後會冇咗隻腳，但都唔想放棄，但跑完之後隻腳係伸唔直。」
問到何時會好番？她表示醫生叫她一直都不可以跑住：「所以我一月個馬拉松都參加唔到，我已經個幾星期冇跑步，好唔舒服，依家只可以游水，但醫生都話唔知幾時會好番，唯有唔好跑住，等完全冇腫脹先再諗，本身我今日同個演員都有場跑戲，但都跑唔到，要等我好番先可以同佢一齊拍番，都好唔好意思，麻煩到好多同事。」而講到是次微電影是許廷鏗執導，問到怕不怕對方會鬧自己？她笑言：「唔會嘅，我哋咁friend。（熟先會鬧？）我會當佢講笑，佢咁funny。」
而講到港鐵職員被拍到要檢查手仗尺寸，現時靠拐仗出入的她表示想到個好方法：「就係用啲伸縮拐仗，佢check個陣就縮番，或者轉搭巴士。（你搵男友做柴可夫咪得？）人哋都要番工。（佢知唔知你隻腳受傷？）一開始冇同任何人講，媽咪都冇講，但佢（媽咪）睇facebook見到就喊晒，前日番嚟香港都見到佢，嗰陣我都好番好多，如果衝線一刻佢喺到應該會係咁喊同嚇死。」
|
鍾意就快D Share啦！
|
|
|