| 克勤認真夠老友，大爆祖兒喺佢唔喺香港時，走去搵條「龍」（男友劉浩龍）返屋企練舞！ | next 1/1 pre |
 | |
| 搞到祖兒即時不知所措！ | next 1/1 pre |
 | |
| 本身兩人跳辣身舞之餘，仲想有咀嘴，但係因為克勤留鬚所以冇嚕！ | next 1/1 pre |
 | |
| 祖兒仲笑言都想留鬚，塊面可以瘦啲！ | next 1/1 pre |
 | |
| 講到Keep Fit，祖兒覺得今次唔係最瘦，而克勤就話睇見都心痛喇！ | next 1/1 pre |
 | |
| 克勤為咗加強信心，積極健身，不過頭先先食完叉燒飯囉！ | next 1/1 pre |
 | |
| 搞到祖兒都勁羨慕！ | next 1/1 pre |
 | |
| 不過，祖兒你真係太瘦了！ | next 1/1 pre |
 | |
| 輕如紙一樣！ | next 1/1 pre |
 | |
| 但唱功依然冇得頂！ | next 1/1 pre |
 | |
| 拗手瓜之餘～ | next 1/1 pre |
 | |
| 再拗埋腰～ | next 1/1 pre |
 | |
| 克勤，你啲鬚真係好勁下，但佢未決定會唔會留到開騷當日！ | next 1/1 pre |
 | |
| 好霸氣呀！ | next 1/1 pre |
 | |
| 但都唔夠祖兒Man爆笑言跳辣身舞要備案架咩？ | next 1/1 pre |
 | |
| 蔡卓妍（資料圖片） | next 1/1 pre |
天后容祖兒與李克勤聯手舉行的《容祖兒李克勤演唱會》即將開鑼，二人積極排舞作最後衝刺，身穿白Tee的祖兒透螢光Sport Bra又晒老鼠仔，克勤則大騷麒麟臂，在練舞時他們又唱又跳，更在舞蹈員身上作狀拗手瓜。
祖兒瘦到變排骨 克勤心痛
祖兒近日為了演唱會積極操弗，令克勤見到也心痛，克勤說：「佢永無止境想瘦，有一日瘦到得80磅都仲想瘦多10磅！」祖兒則封克勤為「魔鬼」，因對方不斷引誘她吃東西。克勤續說：「剩番四日（距離開騷日子）可以瘦幾多？夠瘦啦，我代觀眾講你已經夠瘦，再瘦歌迷會心痛。」祖兒透露今次未及上次開騷時瘦削：「冇上次咁瘦，因為我排牙冇哨出嚟，身材方面自己Feel到。」
克勤健身照食叉燒飯
克勤表示今次雖然不會剝衫晒身材，但是第一次積極健身，純粹為自己建立信心，他說：「我操咗三個禮拜已經達標，我可以亂食嘢，頭先食完盒叉燒飯。」祖兒坦言羨慕對方開騷不用節食：「好叻，好羨慕，我唯一見過兩個人，蔡卓妍開騷前可以狂食，克勤就係第二個。」
本身想咀嘴
自封「舞壇奇葩」的克勤又感激舞蹈老師教路，幫助他解決舞蹈弱點，問到今次祖兒與克勤可有辣身舞？祖兒直認：「有架，開頭話唔跳舞，到依家好多舞蹈，咁就加啲口味，加辣身舞，有面貼面！（咀嘴？）本身想架，但克勤留咗鬚。」祖兒又自爆當克勤與女舞蹈員跳辣身舞時，都會買定花生等睇戲，克勤表示：「祖兒不停笑我，有女Dancer會撩我，每日排到呢度，佢就叫我行埋啲，唔使驚，又喺記者面前笑我怕醜。」
克勤爆祖兒搵男友劉浩龍跳舞
問到他們跳辣身舞前可有向另一半備案？祖兒霸氣地說：「要架咩？我Man唔Man呀！」怎料克勤大爆祖兒找男友劉浩龍（師兄）練習跳辣身舞：「我只知祖兒話我聽，我唔喺香港嗰陣，搵條『龍』返屋企陪佢練。」全場即時起哄，祖兒撒嬌表示：「搞錯呀！咁冇雷？有啲舞蹈要100次去練，所以先要返屋企練。」問到與師兄練舞後可有「加辣」？祖兒尷尬笑言：「唔係呀，唔加辣。」克勤幫忙解圍表示：「咁係團體合作嚟，每人有自己工作崗位，屋企人有屋企人嘅責任去做，提供舒服嘅環境。」
祖兒想留鬚：塊面會瘦好多
提到他們舞蹈其中一個動作是克勤抬起祖兒，更試過不慎失手，克勤解釋：「我嗰時唔夠力，又唔識分輕重，啲位又就得唔啱，跣咗手。有個動作打橫抱佢，個樣又要表現得從容喎，依家唔會，佢輕咗好多，我又大隻咗啲。」祖兒補充表示：「係我叫佢Harder，出多啲力！」留了鬚的克勤又稱未決定在演唱會當日會否留鬚，不過身旁的祖兒自爆有意留鬚：「我都想留，因為框住塊面，塊面會瘦好多，我想留一條，好似京劇咁。」當記者取笑祖兒有「留」浩龍時，她大笑表示：「嘩，你好好笑呀，哈哈哈！」克勤表示留鬚會凸出其部位時，祖兒即耍手擰頭：「咁咪啦，我塊面四方形。」
其後，克勤又爆二人穿上背心排舞時，看到彼此的身體就如地圖一樣，因他們分別有刮沙及拔罐印。
|
鍾意就快D Share啦！
|
|
|