當潮流愛新鮮 科大 Elise偏愛懷舊大上海 [FACE - 433 - 大專校園] 科大,MF,

周佩榆 Elise 19歲

科大工商管理系 Yr.2

嚟緊 Elise聖誕已經 plan咗去上海旅行，佢仲話：「睇到朋友去上海外灘嘅旅行相真係好吸引，到時我一定着旗袍！」

U花 U草

當潮流愛新鮮　科大 Elise偏愛懷舊大上海

年青人總會試過愛潮流追名牌，冇一兩件潮牌喺身好難返學，偏偏讀科大工商管理 Yr.2嘅周佩榆 Elise卻偏好懷舊， like爆上海灘 3、 40年代嘅氛圍兼服飾：「我由細到大都好鍾意睇張愛玲小說，尤其係《半生緣》，男女主角第一次就係喺漫天飄雪嘅環境下着住羊皮大衣、手套邂逅，可能因為咁薰陶到我成日 FF活喺嗰個年代場景，即係類似上海灘時期着旗袍大褸、鬈髮紅唇，真係好靚！」

冇得坐時光機倒流幾十年返去，惟有現實去啲懷舊地方止吓癮， Elise話：「平時我好鍾意去冰室 hea，因為感覺好似遠離繁囂，可以放慢步伐。可惜家懷舊冰室所剩無幾，好似坪洲「祺森冰室」保留舊式鐵閘、風扇，懷舊嘅綠色卡座，啲嘢又好食嘅真係買少見少，所以一得閒我就會搭船入去懷舊吓，有時仲會特登去旺角豪華戲院，但重點都唔係睇戲，只係想入場坐吓 feel吓，幻想返番舊時！」

除咗去冰室，其實 170cm高嘅 Elise平時都鍾意行山做 Yama Girl同打泰拳 keep fit，難怪擁有令人羨慕嘅模特兒身材。

本身係模特兒嘅 Elise話最愛接啲懷舊 job，可以寓工作於娛樂，滿足「一己私慾」， 4個月前佢為咗扮陳寶珠，仲剪咗留了 3年嘅長髮！

雖然口味比其他同學特別，鍾意懷舊不跟潮流，但 Elise勁受同學歡迎兼出晒名係科大工商管理系系花，仲影靚相幫學系宣傳。

撰文：彭家駿

攝影：范仲良

鳴謝： Hot Culture&www.soulyeah.com

鍾意就快D Share啦！

下一篇 》