網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年9月9日 星期三

搞棟篤笑扮「孽瘤」 《沒女》惡婆導師:豁出去玩下! [FACE - 433] 沒女,MF,



Elsa(林希樺) 9月 12日喺九展開騷,送出 60張飛畀《 FACE》讀者,即刻加入 FACE LINE官方帳號等攞飛

爆 Like王

搞棟篤笑扮「孽瘤」 《沒女》惡婆導師:豁出去玩下!

《沒女大翻身》播完至今剛剛 1年,其中曾被觀眾稱為「惡婆」嘅人生教練 Elsa(林希樺)最近突然動作多多,自爆出身演藝世家,阿姨係鮑起靜、舅父係鮑德熹,又搵到 Bob(林盛斌)投資為佢搞楝篤笑《亂世真心膠》。

唔單只親戚朋友搬晒出嚟, Elsa更突然扮嘢王上身,化身「走私煙」、「剩心 BB」同「孽瘤」拍宣傳短片,擺明搞話題、做主角。好!我哋唔提你啲親戚朋友,睇你有咩講!

F:點解突然搞楝篤笑?

Elsa作為培訓教練已 10年,幫過好多學生達成夢想,學生都會喺黑板寫上願望,有人甚至想做特首, Elsa幫唔幫到先?

E:我一直做教練呢行,開騷梗係想多啲人識我畢竟做完《沒女》都一段時間;喺鏡頭面前我係一個惡婆,想藉住呢個騷去識多啲朋友,原來我真人唔係咁惡喎!個騷會講下我哋啲 7、 80後同 90後點溝通,又會講香港女仔真實嘅一面,𠵱家媒體或網上講太多港女、中女、沒女、盛女,唔好嘅嘢,實際好多女仔都肯付出又唔計較,或者生活上好努力,所以為佢哋平反吓!

F:點解宣傳片入面要扮 3個惡女?

Elsa為楝篤笑拍宣傳片扮 3大惡女,入型入格,問到點解唔扮埋林鄭, Elsa話:「我覺得佢冇乜棱角,好 official一個官,唔鮮明唔好笑囉!扮都要嗰個人物要勁先好睇㗎!網上圖片

E:導演話𠵱家好少扮鬼扮馬嘅女藝人,同埋我形象不嬲好老正又惡死,不如豁出去玩下政治人物𠵱家紅過明星呀,佢哋性格好出位好鮮明,講真拍戲啲角色都冇咁 drama,又好容易扮。(你扮邊個最似?)我戴咗眼鏡基本上同剩心 BB一樣樣,面長長、眼細細,唔使化妝,我睇晒佢哋啲片架,重複睇佢哋啲特徵,用番佢哋啲金句,一係唔扮,扮就梗係要似

F:你成日教人搵男朋友,你自己愛情觀係點?

喺《沒女大翻身》 Elsa成日鬧人,但佢話其實自己好溫柔又識搞笑,睇騷就會知。網上圖片

E:我拍緊拖,其實最緊要係愛自己、尊重自己、重視自己,例如好多時間會擺我喺第一位,佢會諗我嘅感受,同埋佢有咩決定都會諗起我,至於要唔要高大靚仔,有錢或者做嘢好叻,呢啲我覺得要人夾人緣,譬如有啲人鍾意成熟有啲鍾意大隻,我覺得冇乜所謂;我以為啲男仔介意我太叻,但叻其實冇問題,但性格要好,如果我叻但令對方難受或者好冇面,咁幾叻都冇用,我拍拖唔係鏡頭面前咁樣㗎!好好㗎我!

F:《沒女》俾觀眾話假導師又俾人鬧,有冇嬲大台?

林希樺開騷名為《亂世真心膠》專講膠事,佢亦同我哋爆咗自己一啲膠事,下載 FACE Pop就知有幾膠。

E:如果做假一個月就拍到啦,使乜拍 8個月!有啲訓練係挑戰女主角性格嘅盲點,係為佢哋度身訂造,就算俾觀眾鬧下都唔緊要啦,如果揀鬧佢定鬧我,咁寧願鬧我,我係教練嚟嘛,保護下女主角都好應該。當初以為拍《沒女》好似紀錄片啫,冇諗過咁大 noise,俾人鬧梗係唔開心啦,當然我可以好似好受害咁,覺得 TVB過咗我一楝,做乜剪到咁?但因我係訓練範疇一定唔會咁諗,有人記得我總好過冇人記得我吖!

F:《 FACE》

E: Elsa

攝影:楊學

鍾意就快D Share啦!