熱爆娛樂: 養兵千日　化妝師陪睇騷做兵　黃心穎：未啱心水 [FACE

2015年9月9日星期三

養兵千日　化妝師陪睇騷做兵　黃心穎：未啱心水 [FACE - 433] 心穎,黃心穎,MF,

黃心穎都唔會剩係點兵仔做嘢，亦有幫四眼潮男買咖啡，但兵仔當然唔會要心穎拎得耐。

真面目

養兵千日　化妝師陪睇騷做兵　黃心穎：未啱心水

女神多兵就梗㗎黃心穎上週五（ 4日）喺機場博覽館欣賞 MAROON 5演唱會又有新仔陪，一名身穿白裇衫的四眼潮男喺博覽館會合心穎 BB後，一直陪伴左右，買飲品又咬耳仔，睇完演唱會，有渣車嘅心穎 BB送埋四眼潮男返黃大仙。

事後心穎 BB同《 FACE》解釋對方只係佢御用化妝師，但坦白承認有人追求：「唔係話冇……未遇到啱心水！」做兵真係命苦！

黃心穎最近 keep住拍《學是學非》第 3輯又將會開拍兩套新劇，但都有時間去睇演唱會。上週五（ 4日）心穎 BB同家姐黃心美離開油塘住所後，由心穎 BB駕駛七人車先去太子還衫，然後直駛機場博覽館準備入場欣賞外國組合 MAROON 5演唱會。

MAROON 5巡迴演唱會只來港表演一場，心穎 BB把握機會同朋友欣賞。《蘋果日報》圖片

黃心穎現正忙於拍第 3輯《學是學非》， 11月至拍新劇，所以未算太忙仲有時間睇演唱會。網上圖片

兵仔招呼周到

兩姊妹泊好車步入博覽館冇耐，就會合兩個型男，一個高高瘦瘦短髮戴眼鏡穿白裇衫，一個頭髮較長穿黑色襯衫花外套；心穎 BB跟四眼潮男似乎好熟絡，不時咬耳仔傾偈， 2人喺 Starbucks買嘢飲，食飽飽先入場睇騷。

完騷後心穎 BB兩姊妹同兩型男一齊離場，心穎 BB更做埋司機送兩男返屋企，駛到去黃大仙龍翔道四眼潮男先落車，之後喺藍田放低花外套男，兩姊妹至返回油塘屋企。

週一（ 7日）《 FACE》致電黃心穎，佢就解釋：「我係同我家姐去，跟住知道有啲 friend都會去睇，但係我哋唔係一齊坐嘅！我哋買咗兩張飛，佢哋（指兩男）自己買嘅，但知道一齊去睇，咪去到嗰度一齊食嘢囉！」心穎 BB說認識咗四眼潮男已幾年：「公司同事嚟，化妝師嚟！由入行識到𠵱家，有 3年。朋友囉，係我御用化妝師。」避忌唔講對方名字（ Herman Ng），並解釋：「我出面接廣告同 event都係搵佢化妝，入行後至識。」問到係咪開始拍拖，心穎 BB即刻笑住答：「唔係呀！完全唔係嗰回事嚟！分開坐，我同家姐張飛係 friend幫手買，佢哋坐遠少少，佢哋都係之後先買。（咁你有冇拍拖呀？）正常生活梗係有男仔朋友女仔朋友㗎（冇人追你咩？）又唔係冇嘅！咁未遇上……未係囉！呢一刻我想工作先，冇乜想揀，要遇到啱囉，可能我未遇到啱心水囉！」唔係一齊坐又會等埋一齊走，醒目女神點都要派番啲福利俾兵仔嘅！