盛女Whitney 誕7磅女
生咗喇！生咗喇！已是一子之母的24歲「盛女」Whitney，昨早順產誕下7磅重細女，母女平安。數月前，懷孕的Whitney突在facebook宣佈與老公莊家傑離婚，之後二人見婚姻輔導員，幸而已和好如初。Whitney昨在電話中分享生產過程說：「老公有入產房幫囡囡剪臍帶，今次好痛，一直鍊實老公，但老公好好，全程都冇縮開！」
兩年抱兩的Whitney，去年誕下長子Chalmers後，今年2月宣佈再有喜陀B女，預產期下月初。Whitney昨日向本報報喜，原來她昨早已誕下7磅重的B女，英文名叫Valerie，她亦有在instagram留言：「出來了！」與大家分享再做母親的喜悅。
■Whitney早前孖老公莊家傑影大肚相，昨日她順產誕下7磅重的細女。資料圖片
■Whitney表示會餵囡囡飲人奶。
■Whitney榮升第二任媽咪，昨午在ig放囡囡小手相報喜。
■莊家傑昨日陪老婆入產房，一臉慈父的抱着愛女。
穿羊水以為失禁
Whitney昨接受電話訪問，表示老公莊家傑有陪入產房：「老公有入產房同埋幫囡囡剪臍帶，我仲因為太痛，一直鍊住老公，佢頸、背同手都俾我鍊到實晒，我知佢好痛，可能都損晒，但老公都好好，全程忍痛畀我鍊住。」Whitney續說：「我預產期本來係10月，所以一早已經執好咗『走佬袋』隨時去醫院，點知噚晚（即前晚）沖涼時，覺得自己好似穿咗羊水，初初都唔肯定，後來以為係失禁，但又好似唔似，諗諗吓都係即刻去醫院，醫生檢查後證實真係穿咗（羊水）！」
比第一胎痛好多
第一胎都順產生的Whitney，早在產檢時發現今胎有胎盤前置問題，一直都擔心要開刀，幸好一個月前再檢查，胎位已向上升，所以照原定計劃順產，她表示：「今次好痛，比起生第一胎真係痛好多倍，本來醫生想幫我打笑氣止痛，但因為已經開到兩、三度唔可以打，加上我穿咗羊水，所以打催生針，最後催生咗兩個幾鐘就生咗。」Whitney續謂：「囡囡會同哥哥一樣飲母乳，今朝餵母乳佢仲好好胃口，好似好肚餓咁，總之見到囡囡健健康康出世，幾痛都覺得好值得。」
婚後的Whitney一直與莊家傑表現恩愛，惟今年5月，她在社交網貼文宣佈離婚，還指這是最好的解決方法，幸好夫婦二人為挽救婚姻，之後一齊約見婚姻輔導員，一切雨過天晴，Whitney還表示與老公感情增進不少，更讚老公比以前更加懂得包容、體諒及關懷她。
採訪：小米
|
鍾意就快D Share啦！
|
|
|