| 郭羨妮表示正努大造人，要為女兒添個伴。 | next 1/1 pre |
 | |
| 郭羨妮表示與TVB雖已完約，仍保持友好關係。 | next 1/1 pre |
藝人郭羨妮到荃灣出席活動，分享眼部護理的訊息，又與小朋友玩遊戲，台上司儀問Sonija會否讓三歲女兒Kylie將來選港姐？她笑說：「咁快諗？等佢讀好書拎到十優先，依家興做十優狀元先做港姐。」
爆囡囡係怪獸BB
Sonija受訪時透露女兒開學上K1不久，囡囡非常愛上學，返學沒有喊，而且看得出在中文及英文方面甚有天份，她又笑言自己好像重新返學一次，每天跟女兒對功課，問到是否怪獸家長？她笑說：「我唔係，反而囡囡係怪獸BB，好鍾意學野，之前暑假要安排到佢日日有嘢做，否則佢會唔開心、會搗亂。（佢有冇表演天分？）佢好鍾意唱歌跳舞，會跟住MV跳。（捧佢做童星？）讀好書先，其實佢想做乜我都會畀佢做，等佢學更多野。」
Sonija上年曾懷有第二胎，但不幸未足三月流產，經過一年多時間終於走出小產之痛，更定生育大計，現正全力造人，Sonija表示希望短期內能為女兒添個細佬或細妹，讓她多個伴。
「做好呢件事先！」
提到有份拍攝的TVB劇《無雙譜》即將播出，她表示與TVB雖已完約，仍保持友好關係，夾到時間亦會參與宣傳，談到這是她最後一部劇，問會否繼續拍劇？她說：「遲啲先，努力緊造人呀！做好呢件事先！（對新劇有冇期望？）套劇係好睇嘅，但冇諗收視，好多人都上網睇番，我自己都係等個女訓咗先會上網睇劇。」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。
http://www.facebook.com/onccstars
|
鍾意就快D Share啦！
|
|
|